SAMUEL 1 14:47 - Alkitab Singog In Mongondow Masa In Tanaa

⁴⁷ Naonda in ki Saul nobaḻí datu in Israel, sia in noparang kon bayongan tampat noḷawang kon bayongan musung in Israel, tuata in intau in Moab, intau in Amon, bo intau in Edom, datu mita in butá in Zoba, bo intau in Pilistin. Kon ondaka in poparangannea, umuran in sia mokountung.

SAMUEL 1 14:47 ပူးပေါင်းရင်းမြစ်များ

KINOBAḺIAN 19:37

Adí guya-guyang nopononggadí in adí ḷoḷaki inta sinangoiannea ki Moab. Sia in nobaḻí mogoguyang intau in Moab inta masai naa.

KINOBAḺIAN 19:38

Adí induanea nopononggadí doman in adí ḷoḷaki inta sinangoiannea ki Ben-Ami. Sia in nobaḻí mogoguyang in bangusa Amon inta masai naa.

KINOBAḺIAN 36:1

Naa in buí mita i Esau inta dinonoi doman ki Edom.

KINOBAḺIAN 36:19

Suku mita tatua buí i Esau.

KINOBAḺIAN 36:8

Dá ki Esau inta dinonoi doman ki Edom, nogutundon notantú kon buḷud in Seir.

SAMUEL 2 1:22

Piot i Yonatan totok in motoyang, mokopatoi. Kedang i Saul diábí nonotaau kon totabian moḻimod kon musung, nomutú kon ḷawang.

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

SAMUEL 2 8:3

Noiduduimai kon tua nonaḷow in ki Daud kon i Datu Hadadezer adí i Rehob inta nomarenta kon Zoba, dodatuan tobatú inta kon diug in Damsyik. Kon tungkuḷ intua ki Hadadezer kon bonu in binayáan sin mopoguḻit bui in kawasa nea kon butá inta kon diug in uḷuan in Ongkag in Eprat.

DATU MITA IMITÁNEA 11:23

Binaḻí doman i Allah in ki Rezon, adí i Elyada, nosaturu kon i Salomo. Ki Rezon in ata inta noḷagui nongkon i Tuangnea inta ki Datu Hadadezer nongkon Zoba.

DATU MITA 2 14:27

Diábí in makusud i Tuhan morimumud kon Israel kinoouput in dunia naa, tuamai in sinuḷungan-Nea in mosia pinongin i Datu Yerobeam II.

SAMUEL 1 12:2

Nongkon tanaadon mako siadon in mobaḻí itoi monimu. Indoiaidon, akuoi naa in nogoguyangdon bo inubanandon. Noonggotdon totok in akuoi in nobaḻí itoi monimu – pinangkoipa kon akuoi nobagupa nodapot in tanaa mako. Nobaḻí bukti kon tua in ki adíku mita in komintandon nongoḷantud.

SAMUEL 1 13:1

Kon singgai tobatú kon tungkuḷ in ki Saul nobaḻídon datu,

SAMUEL 1 14:46

Nopaḷut mako kon tua intau in Pilistin nobuidon kon butá monia tontaní sin ki Saul diádon nogaḷow kon i monia bui.

SAMUEL 1 14:52

Kon bonu in kinobiagannea ki Saul tantú moparang totok moḷawang kon intau in Pilistin. Tuamai, aka mokoontong in ki Saul kon intau moropot bo mobarani, yo baḷunea baḻíon tontaranea.

SAMUEL 1 21:7

Noitongkaná, in ki Doëg intau in Edom, itoi in gombala in bobiagon i Saul kon tua in singgai tua sin momaḷut kon onu inta sinantú kon agama.)