SAMUEL 1 14:40 - Alkitab Singog In Mongondow Masa In Tanaa

⁴⁰ Bo nogumandon in ki Saul kon bayongan rayat in Israel, “Moiko komintan sindog kon dotá in naa.” Tubag monia, “Pomiadon Tuang Datu in onu inta inanggapmu mopia.”

SAMUEL 1 14:40 ပူးပေါင်းရင်းမြစ်များ

SAMUEL 2 15:15

“Mopia, Tuang datu,” tubag monia. “Kami in mosadiabí mogaid kon onuka in koibog i Tuang Datu.”

SAMUEL 1 1:23

Tubag i Elkana, “Mopia, aidaidon onu inta inanggapmu mopia; kon baḷoipa modapot in motompodon in wakutunea pongguatanmu kon i adí natonda. Bo igumon mako ki Tuhan in mopotuoi in dandimu mobaḻí moniata.” Dá, ki Hana kon baḷoipa nodapot in adí tatua ginuatdon kon teté.

SAMUEL 1 14:36

Onda intua ki Saul noguman kon intaunea mita, “Koḻigai mayá in kita monubu kon intau in Pilistin doḷom naa bo mogagow kon i monia modapot in doḷo-doḷom bo moḻimod kon i monia komintan.” Mosia in notubag, “Mopia Tuang Datu aidaidon onu inta mopia kon mata i Tuang datu.” Táe ki imang in noguman, “Koḻigai munapa in kita mopoigum in totundú nongkon i Allah.”

SAMUEL 1 14:39

Akuoi in modandi podoyon kon i Tuhan inta nobiag, inta ain nobogoi in kauntungan kon Israel, kon intau inta ain nogaid kon noitaḷá in hukumonbí matoi, umpakabí ki Yonatan adíku in sia.” Táe diá tobatúmai in mokobaḻí motubag kon inia.

SAMUEL 1 14:41

Onda intua nosambayangdon in ki Saul, “Tuhan, Allah in Israel, nongonu sin singgai in naa in diábí sinubagan-Mu in akuoi? Tuhan, tubagaipa in akuoi pongin batu mita inta motusi naa. Aka taḷá tatua bo noiḻitú kon inakó andeka kon i Yonatan, tubagaidon pongin batu Urim, táe aka taḷá tatua bo noiḻitú kon umat-Mu Israel, tubagaidon pongin batu Tumim.” Dá tubag i Tuhan noitundú kon i Yonatan bo kon i Saul; dá rayat pinoniatadon kon diá kotaḷá.

SAMUEL 1 14:7

Tayowmobiag tatua in notubag, “Onukabí in pomiaan i Tuang, moibogbí in bobantung.”