SAMUEL 1 14:36 - Alkitab Singog In Mongondow Masa In Tanaa

³⁶ Onda intua ki Saul noguman kon intaunea mita, “Koḻigai mayá in kita monubu kon intau in Pilistin doḷom naa bo mogagow kon i monia modapot in doḷo-doḷom bo moḻimod kon i monia komintan.” Mosia in notubag, “Mopia Tuang Datu aidaidon onu inta mopia kon mata i Tuang datu.” Táe ki imang in noguman, “Koḻigai munapa in kita mopoigum in totundú nongkon i Allah.”

SAMUEL 1 14:36 ပူးပေါင်းရင်းမြစ်များ

MAZMUR 73:28

Táe aka kon inakó yo totuubí kon mopia in kon diug i Allah, Tuhan Allah in baḻíonku pononiunganku, sinbá motaau in akuoi mopotaa-taau mako in bayongan inta inaidan-Nea.

YESAYA 58:2

Mosia in mosumba kon i-Nakó pomuḷoi in singgai, bo moibog monotaau kon ibog-Ku, naonda bo moibog in mosia mogaid kon inta mopia, bo motoindudui kon hukum-Ku. Mosia in moguman kon mosanang in gina monia in mosumba kon i-Nakó bo moibog in hukum-Ku inta moadil.”

YEREMIA 6:5

Maníka tubuon naton doḷom, bo rimumudon in dinding mita in kotá tatua.”

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

YOSUA 10:19

“táe moiko in dikabí mogogai kon tua. Aḷowaidon turus, bo tubu in mosia nongkon tumi; dika pomayá mako in mosia tumuot kon kotá mita monia! Ki Tuhan Allahmu ain nobogoi in kauntungan kon i monimu nongkon i monia.”

YOSUA 11:14

Bayongan in intau kon bonu in kotá tatua iḻimod; diá in tobatúmai in pinomayá mako nobiag. Táe bayongan in pakakat mita inta koboḻi bo bobiagon monia in ginamá in intau in Israel nobaḻí kapunyaan monia.

SAMUEL 1 1:23

Tubag i Elkana, “Mopia, aidaidon onu inta inanggapmu mopia; kon baḷoipa modapot in motompodon in wakutunea pongguatanmu kon i adí natonda. Bo igumon mako ki Tuhan in mopotuoi in dandimu mobaḻí moniata.” Dá, ki Hana kon baḷoipa nodapot in adí tatua ginuatdon kon teté.

SAMUEL 1 11:11

Nobangon monik, doḷo-doḷompa, ki Saul nosilaidon kon intau mita nobaḻí toḷu nopaanan. Bo naonda in nomukádon in singgai mosia nonubu kon yua-yuak in pinononḷoḷaigan in intau in Amon tatua bo nomarang kon i monia. Diápa noutu in singgai, tontara i Saul in nonaḷowdon kon musung. Intau mita in Amon inta nokoḷagui, nongoirangkap nodapot in diádon in tododoyowa mako in noḷagui noyotakin.

SAMUEL 1 14:3

(Imang inta nodia kon epod in ki Ahiya adí i Ahitub, inta ki utat i Ikabod adí i Pinehas, bo ki Pinehas ki adí i Eli, in imang i Tuhan kon Silo.) Kinotaauan domandon in rayat kon ki Yonatan in minayá domandon nongkon tua.