SAMUEL 1 14:3 - Alkitab Singog In Mongondow Masa In Tanaa

³ (Imang inta nodia kon epod in ki Ahiya adí i Ahitub, inta ki utat i Ikabod adí i Pinehas, bo ki Pinehas ki adí i Eli, in imang i Tuhan kon Silo.) Kinotaauan domandon in rayat kon ki Yonatan in minayá domandon nongkon tua.

SAMUEL 1 14:3 ပူးပေါင်းရင်းမြစ်များ

SAMUEL 1 1:3

Pomuḷoi in taong in ki Elkana mayá nongkon Rama sin moibada kon Silo bo moposumba in kuruban kon i Tuhan Inta Totok in Mokawasa. Imang i Tuhan kon dodai intua kon Silo in ki Hopni bo ki Pinehas, adí mita i Eli.

SAMUEL 1 14:36

Onda intua ki Saul noguman kon intaunea mita, “Koḻigai mayá in kita monubu kon intau in Pilistin doḷom naa bo mogagow kon i monia modapot in doḷo-doḷom bo moḻimod kon i monia komintan.” Mosia in notubag, “Mopia Tuang Datu aidaidon onu inta mopia kon mata i Tuang datu.” Táe ki imang in noguman, “Koḻigai munapa in kita mopoigum in totundú nongkon i Allah.”

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.

SAMUEL 1 22:20

Tongá ki Abyatar, intau tobatú nongkon i adí mita i Ahimelek in nokoḷagui. Sia in noḷagui minayá kon i Daud,

SAMUEL 1 4:21

Adí tatua sinangoiannea ki Ikabod, kainia, “Koangoian i Allah Inta Momulia nobuḻidon nongkon Israel.” – Inta imakusudnea tua in Poti Dodandian aindon inagow bo ki nunutonnea takin ki buḷoinea minatoi domandon. Tuamai sia noguman, “Koangoian i Allah Inta Momulia nobuḻidon nongkon Israel, sin Poti Dodandian i Allah inagowdon.”

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.