SAMUEL 1 14:28 - Alkitab Singog In Mongondow Masa In Tanaa

²⁸ Onda intua tontara tobatú inta kon sigad mita in tontara tatua noguman kon inia, “Kami komintan in diádon kodaya sin gogoyon. Táe ki amá i Tuang ain nonontot kon inami takin ibot, kainia, ‘Kutukondon in intau inta nongaan kon singgai in naa.’ ”

SAMUEL 1 14:28 ပူးပေါင်းရင်းမြစ်များ

SAMUEL 1 14:24

Kon singgai tatua intau mita in israel moḻemédon popisí in gogoyon, sin ki Saul in nongibotdon nanaa, “Kutukondon in intau inta mokaan kon onuka kon singgai in naa kon dodai in akuoi diápa motuḻí kon musungku.” Tuamai in diá tobatúmai in intau in nongaan in tosinggai tua.

SAMUEL 1 14:27

Táe ki Yonatan in diábí nonotaau kon ki amánea ain nonontot kon rayat takin kutuk tatua; tuamai in tungkudnea pinotundúneadon, bo pinopoturaknea kon pugad in biluk tatua, bodongka ginamánea in biluk tatua bo poḷat kinaan. Dá baḷúdon kinorasaannea kon mosehat bo nodugangdon noropot.

SAMUEL 1 14:29

Ki Yonatan in notubag, “Moiḻiudon totok in dodia i amáku tatua kon bangusa naton! Indoiai, kaadaanku tanaa in mopia-piadon naonda in akuoi nokaan kon biluk topiḻik.

SAMUEL 1 14:43

Bo ki Saul in noguman kon i Yonatan, “Onu in inaidanmu?” Ki Yonatan notubag, “Akuoi in nokaandon kon biluk topiḻik inta kinuilku in tungkudku; diábí nongonu aka matoi in akuoi.”