SAMUEL 1 14:24 - Alkitab Singog In Mongondow Masa In Tanaa

²⁴ Kon singgai tatua intau mita in israel moḻemédon popisí in gogoyon, sin ki Saul in nongibotdon nanaa, “Kutukondon in intau inta mokaan kon onuka kon singgai in naa kon dodai in akuoi diápa motuḻí kon musungku.” Tuamai in diá tobatúmai in intau in nongaan in tosinggai tua.

SAMUEL 1 14:24 ပူးပေါင်းရင်းမြစ်များ

MAZMUR 18:47

Ki Tuhan in nobiag! Dinayo-dayowdon in mododuḷuku! Poḷantudon in koḷoḷoben i Allah mopoposaḷamatku!

AMSAL 11:9

Pongongumanan in intau moraat in mokoyopú; hikmat in intau mopia in mokosaḷamat.

IMAMAT 27:29

Modapot in intau inta ain sinantú kon i Tuhan inta yopúon yo diábí doman motaau tobuton; sia mustibí ḻimodon.

IMAMAT 5:4

Aka intau tobatú kotaḷádon sin kino ibo-ibotneadon kon mogaid kon onukabí, bo onda intua ḷagidon kinotaauannea kon noitaḷádon in oaidnea tatua.

PINOGIAPAN 21:2

Bo intau in Israel nodandi nanaa kon i Tuhan, “Aka totok in pountung-Mu in kami nongkon bangusa tatua, dá mosia takin kotá mita monia in daitonbí nami yompaton.”

PINOGIAPAN 5:21

poigumon mako baḻíon i Tuhan in tangoimu mobaḻí ibot butung kon sigad in bangusamu. Poigumon mako baḻíon-Nea in paamu imintok bo sianmu in ḷumoben.

SURAT I PAULUS KON JAMAAT RUM 10:2

Mobaranibí in akuoi in moguman kon mosia tua in totu-totuudon totok in mogaid kon oaidan i Allah. Táe ibog monia tua in diá podoyon kon onu inta sinundú i Allah.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

YOSUA 6:26

Kon dodai intua ki Yosua nopoḷuai in parenta nanaa, “Ki inekabí in moḷongasi moposindog bui in kotá in Yerikho tanaa, yo kotugatan in kutuk i Tuhan. Ki ine in momia kon datoḷannea yo kopatoianbí in adínea guya-guyang; bo ki ine in mopoguḻit in ḷoḻingkopnea mita yo kopatoianbí in adínea muit.”

HAKIM MITA 1:28

Totuu kon naonda in intau in Israel nodugangdon noropot, mosia in nomakisa kon intau mita in Kanaan nogaid kon oaidan monia, táe diábí doman pinoguntun monia in intau mita in Kanaan tatua nongkon tua.

HAKIM MITA 5:2

Dayowdon in ki Tuhan, sin tontara mita in Israel in noniat bidon in mayá moparang, bo nobayagbí in gina in rayat in mayá moparang.

SAMUEL 1 14:25

Onda intua nodapotdon in mosia komintan kon kayuon tobatú bo nokouḻí kon biluk mobayong totok,

SAMUEL 1 14:39

Akuoi in modandi podoyon kon i Tuhan inta nobiag, inta ain nobogoi in kauntungan kon Israel, kon intau inta ain nogaid kon noitaḷá in hukumonbí matoi, umpakabí ki Yonatan adíku in sia.” Táe diá tobatúmai in mokobaḻí motubag kon inia.

SAMUEL 1 18:25

bo ki Saul in nopotabá kon i monia noguman kon i Daud, nanaa, “Inta kinoibog i Tuang inta baḻíon buḷawan tontogot in tonibuḷoi in tongábí mogatut in kuḻit ponoitan kon intau in Pilistin, saḷaku tontuḻí kon musung i Tuang.” (Naa in nobaḻí tomayá i Saul sin moḻimod kon i Daud pongin ḻima in intau in Pilistin.)