SAMUEL 1 14:19 - Alkitab Singog In Mongondow Masa In Tanaa

¹⁹ Naonda in ki Saul mongongumanmai takin i imang tatua, kodoḻiokan kon bonu in pinononḷoḷaigan in intau in Pilistin modugangdon totok, dá ki Saul in noguman kon i imang tatua, “Diádon in kasampatan naton mopoigum in totundú nongkon i Tuhan!”

SAMUEL 1 14:19 ပူးပေါင်းရင်းမြစ်များ

MAZMUR 106:13

Táe ḷagibí kinoḻiongan monia in aid i Tuhan bo mogaid takin diádon mopoigum in tonggina-Nea.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.

SAMUEL 1 13:11

táe ki Samuel in noḻibó, “Onudon degá in inaidan i Tuang?” Tubag i Saul, “Inontongku rayat in momangkoidon monaḷámai kon inakó, bo ki Amá in diápa doman noiangoi podudui in wakutu inta ain sinantú i Amá. Apa doman intau in Pilistin ain noyosipun kon Mikhmas.

SAMUEL 1 14:20

Bo ki Saul takin intaunea mita in noyododaidon minayá in tampat pinoparangan. Kon tua inontongdon monia in tombauk kon sigad in intau in Pilistin; mosia moropatoi bo mosiḻimodandon.

SAMUEL 1 14:24

Kon singgai tatua intau mita in israel moḻemédon popisí in gogoyon, sin ki Saul in nongibotdon nanaa, “Kutukondon in intau inta mokaan kon onuka kon singgai in naa kon dodai in akuoi diápa motuḻí kon musungku.” Tuamai in diá tobatúmai in intau in nongaan in tosinggai tua.

SAMUEL 1 30:7

Bo ki Daud in noguman kon i Imang Abyatar adí i Ahimelek, “Diadon mangoi in epod tatua!” Dá dinia i Abyatar in epod tatua kon inia.