SAMUEL 1 14:16 - Alkitab Singog In Mongondow Masa In Tanaa

¹⁶ Bo kon dodai intua tontara i Saul inta noḷukad kon Gibea kon butá in Benyamin, nokoontong kon intau in Pilistin noḷagui moiagí-ako totokdon in motoboḻingo.

SAMUEL 1 14:16 ပူးပေါင်းရင်းမြစ်များ

MAZMUR 58:7

O Allah, putoḷdon in ingipon mita monia, rabutdon in uwaḷa in singa mita batánea tatua, Tuhan.

MAZMUR 68:2

Ki Allah in simindog moporarit in musung-Nea intau inta mondoí kon i-Nia in moḷagui nongkon tayowon-Nea.

YESAYA 19:2

Ki Tuhan in noguman, “Akuoi in moposindogbí in ropatoi kon motoḷuadí kon Mesir: Utat moyogintayow in utat, topodiug moyogintayow in topodiug, kotá moyogintayow in kotá bo dodatuan moyogintayow in dodatuan.

HAKIM MITA 7:22

Naonda in ki Gideon bo intaunea mita koyogotpa in nogirup kon torompet, pinoporopatoi i Tuhan in tontara in musung takin nopomaké in kedang monia tontaní. Mosia noḷagui nopobayá ná Zerera nodapot kon Bet-Sita bo kon kotá in Abel Mehola kon diug in Tabat.

SAMUEL 1 14:15

Onu inta nobaḻí tatua nokodoḻiok kon intau in Pilistin kon pinononḷoḷaigan bo kon popokaanan mita in bobiagon. Bayongan rayat in Pilistin takin tampat mita poḷoḷukadan bo paanan mita in mogogagow noondokdon; nodapot in butá nodandú, bo totokdon in nodowawá.

SAMUEL 1 14:17

Dá nogumandon in ki Saul kon intaunea, “Iapdon in tontara mita bo taridiaidon mongo ki ine in diá.” Inaidandon monia intua bo kinotaauandon kon ki Yonatan bo tayowmobiag mododia kon ḷoḷutamnea in diá onda.

SAMUEL 1 14:20

Bo ki Saul takin intaunea mita in noyododaidon minayá in tampat pinoparangan. Kon tua inontongdon monia in tombauk kon sigad in intau in Pilistin; mosia moropatoi bo mosiḻimodandon.