SAMUEL 1 14:11 - Alkitab Singog In Mongondow Masa In Tanaa

¹¹ Naonda in taya dua nokipogontong kon intau in Pilistin kon poḷoḷukadan tatua, dá intau mita in Pilistin tatua noguman, “Indoiaika, oyúon in intau mita in Ibrani in iḻumuai nongkon bubú mita tampat pinogadopan monia!”

SAMUEL 1 14:11 ပူးပေါင်းရင်းမြစ်များ

SAMUEL 2 22:46

Barani monia noinggamádon; mosia in mourot bo ḷumuai nongkon poḷoḷukadannea.

HAKIM MITA 6:2

Intau in Israel moondokdon totok kon intau in Midian, nodapot in mosia nogadopdon kon angob mita kon tampat mita ibanea inta moaman inta kon buḷud mita.

SAMUEL 1 13:6

Onda intua mosia in nonubudon totok kon intau in Israel, nodapot intau in Israel totokdon in moigupit. Tongonumai in intau mita in Israel nogadopdon kon bonu in angob bo kon bubú mita in buḷud andeka tumuot kon sigad mita in batu karang, andeka kon bonu in parigí bo bubú in butá,

SAMUEL 1 14:22

Ná doman tua in intau mita in Israel inta nogadop kon buḷud mita in Epraim, inta nokodongog kon intau in Pilistin ain noḷagui, dinumugangdon bo nonubu kon intau in Pilistin tatua.

SAMUEL 1 29:3

Tongguḷu totokan mita in tontara intau in Pilistin nokoontong kon i monia bodongka noḻibó, “Mongonu kon naa in intau mita in Ibrani tatua?” Ki Akhis in notubag, “Naa in ki Daud, inta koḻipod in nobaḻí pogawai i Datu Saul nongkon Israel. Sia in noḻin onggotdon in nogutun kon inakó. Pinangkoipa kon namangoi in sia kon inakó nodapot in singgai naa, diápabí kon dodai in onda in sia kinokadapatanku in nomia kon noitaḷá.”