SAMUEL 1 14:1 - Alkitab Singog In Mongondow Masa In Tanaa

¹ Kon singgai tobatú ki Yonatan noguman kon tayowmobiag inta nodia kon ḷoḷutamnea, “Igaidon mayá in kita kon poḷoḷukadan in intau in Pilistin kon ḷoḷanmai tatua!” Táe diábí in sia noguman muna kon i amánea.

SAMUEL 1 14:1 ပူးပေါင်းရင်းမြစ်များ

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

HAKIM MITA 14:6

bo daḻídon in ki Simson nobaḻí noropot sin kawasa i Tuhan. Bo iyabi-yabineamai in singa tatua takin nomaké in ḻimanea, tongábí naonda bo bembé in mahaḷuk tatua. Onu inta nobaḻí tatua diábí inoumannea kon guranganea.

HAKIM MITA 14:9

Ginamánea in biluk tatua, bo sindaḷannea kaanon kon daḷan. Onda intua sia minayá kon guranganea bo inogoineadon kon i monia in biluk tongo silai tatua, bo kinaandon monia. Táe diábí pinoguman i Simson kon biluk tatua in ginamánea nongkon karubang in singa.

HAKIM MITA 6:27

Dá ki Gideon nomiḻí kon mopuḷú in bobantungnea bo minayá nogaid kon onu inta pinarenta i Tuhan kon inia. Táe popisí in sia moiḻiu in ondok kon motoḷuadínea bo kon intau mita inta kon ḻipúnea tatua, dá diá in sia mokobaḻí mogaid kon tua kon dodai in singgai. Dá inaidannea intua kon dodai in doḷom.

SAMUEL 1 13:2

nomiḻí in sia kon intau in Israel 3.000; kon sigad monia tua, 2.000 in nogutun takinnea kon Mikhmas bo kon buḷud in Betel, bo 1.000 doman ibanea in minayá noyotakin i Yonatan ki adínea ḷoḷaki kon Gibea kon butá in suku Benyamin. Rayat mita ibanea in inogoidon nobui kon baḷoinea-baḷoinea.

SAMUEL 1 13:22

Tuamai, kon singgai pinoparangan kon Mikhmas tatua, diábí in tobatúmai in rayat Israel in kopitow ande kopandong, koḻikudbí in ki Saul bo ki Yonatan adínea ḷoḷaki tatua.

SAMUEL 1 13:23

Intau in Pilistin nomiadon kon tobatú tampat poḷoḷukadan kon daḷan ḷumuai kon buḷud in Mikhmas.

SAMUEL 1 14:2

Kon dodai intua ki Saul in kon siungon in pangkoi in delima kon Migron, diá noyayú nongkon Gibea. Rayat inta dinumudui kon inia in degá 600 in kobayongnea.

SAMUEL 1 25:19

Bo noguman in sia kon bobantungnea mita, “Moiko in mayá umuna kon inakó; akuoi in dumuduianmai kon inimu.” Táe sia in diábí noguman kon onu bo onu kon i buḷoinea ḷoḷaki.