SAMUEL 1 13:7 - Alkitab Singog In Mongondow Masa In Tanaa

⁷ oyúon doman in iḷumoḷan kon Ongkag in Yordan bo minayá in butá in Gad bo Gilead. Ki Saul in kon Gilgalpa, bo rayat inta dinumudui kon inia in urotdon mako sin moondok.

SAMUEL 1 13:7 ပူးပေါင်းရင်းမြစ်များ

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

ULANGAN 20:8

Porwira mita in musti doman moguman nanaa kon inimu, ‘Oyúon degá in kon sigad monimu nion in mouyot bo moondok? Aka oyúon, motaaubí in sia mobui, sinbá sia in diá mokoponag kon gina in intau ibanea moparang.’

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 3:12

“Naonda in butá tatua nobaḻí kapunyaan naton, inogoiku intua kon suku Ruben bo Gad in butá kon dotá in utuan kotá in Aroër kon diug in Ongkag in Arnon, bo tongosilai nongkon butá in buḷud Gilead, noitakin doman in kotánea mita.

YOSUA 13:11

Noituot doman in butá in Gilead, butá inta kon diugmai in Gesur bo Maakha, bo bayongan in Buḷud in Hermon, bo bayongan butá in Basan nodapot kon Salkha.

YOSUA 13:8

Suku in Ruben, i Gad bo tongobotak in suku Manasye ain notarima kon butá tonsilai monia nongkon i Musa, mogogundoi i Tuhan tua; tuata in butá inta kon dotá in pomukaan kon Ongkag in Yordan.

HAKIM MITA 7:3

Dá, potaaudon kon intaumu mita, ‘Ki ine in moondok, yo musti ḷagi monaḷámai kon Buḷud in Gilead tanaa bo mobui kon baḷoinea.’ ” Dá 22.000 intau in nobui; bo tongádon 10.000 in kon tua.

SAMUEL 1 13:8

Ki Saul nogoḷat kon i Samuel pitudon nosinggai in koonggotnea, podudui in koyow i Samuel kon inia, táe umuranpa doman diá noidapot mangoi kon Gilgal in ki Samuel, bo rayat in momangkoidon monaḷámai kon i Saul.

SAMUEL 1 17:11

Naonda in ki Saul bo intaunea mita nokodongog kon tontot tatua, noitaḻikokogdon in mosia bo inagían totok in ondok.

SAMUEL 1 31:7

Naonda in intau mita in Israel inta nogutun kon ḻimakomai in Ḷopá in Yizreel bo kon dotá in pomukaan kon Ongkag in Yordan nokodongog kon tontara in Israel ain noḷagui, bo ki Saul takin i adínea mita ḷoḷaki ain minatoi, noḷaguidon in mosia nonaḷámai kon kotá mita monia. Bo kinawasadon in intau in Pilistin in kotá mita tatua.