SAMUEL 1 13:19 - Alkitab Singog In Mongondow Masa In Tanaa

¹⁹ Kon Israel diábí in mononontaḷ, sin intau in Pilistin diá mobogoi kon intau in Ibrani monontaḷ kon pitow bo pandong.

SAMUEL 1 13:19 ပူးပေါင်းရင်းမြစ်များ

DATU MITA 2 24:14

Ki Datu Yoyakhin, ki inánea, ki buḷoinea mita, pogawainea mita, bo itoi mita in Yohuda – kobayong monia komintan in 7.000 in intau inta ihoromat – dinomok bo dinia pinobayá in Babel. Noitakin doman in intau mita inta mopandoi mogaid bo mononontaḷ kobayongnea in 1.000 in intau, komintanbí intau mita inta moropot bo inta mongobarani moparang. Intau mita buí in datu, bo intau mita inta ihoromat in dinia doman minayá in pinoḷumbúan – kobayong monia tua in 10.000 in intau. Gogió bo bayongan in intau inta nogutun kon Yerusalem in dinia; inta kinotaḷáan in dongkadon rayat inta nobiag nobogá totok.

YESAYA 54:16

Akuoibí inta nomaḻí kon mononontaḷ inta nongokab kon tuḷú sin ponontaḷan kon sonjata. Akuoibí doman inta nomaḻí kon tontara inta nopomaké in sonjata tatua sin moḻimod.

YEREMIA 24:1

Kon singgai tobatú naonda in ki Yoyakhin ki adí ḷoḷaki i Yoyakin datu in Yohuda noyotakin in pojabat pomarenta in Yohuda, mongogurig mita bo intau mita inta totok in motaau mogaid kon oaidan monia inakut i Nebukadnezar datu in Babel, bo dinia saḷaku intau dinakop nongkon Yerusalem pinobayá in Babel, ki Tuhan in nobogoi in tobatú oontongon kon inakó. Akuoi in nokoontong kon karansi doyowa binonuan in bungai in ara noiukat kon tayowon in Baḷoi Tuhan.

YEREMIA 29:2

Surat tatua in pinaisku naonda in ki Datu Yoyakhin, ki inánea, pogawai mita in komaḻig, pojabat mita in pomarenta in Yohuda bo Yerusalem, mogogimok mita, bo intau mita inta mongotaau totok mogaid inakut pinobayá in pinoḷumbúan.

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.

SAMUEL 1 13:20

Dá intau in Israel musti mayá kon intau in Pilistin aka mogatá kon mata in pajekonea, pasoḷnea, boḻiungnea bo sabitnea;