SAMUEL 1 13:12 - Alkitab Singog In Mongondow Masa In Tanaa

¹² Dá iraiku, dika-dika tontara in Pilistin daḻídon mamangoi monubu kon inakó kon naa kon Gilgal, bokaka akuoi in diápa nopoigum in totabi i Tuhan. Tuamai nokopobaranidon in akuoi bo noposumba in kuruban tatua.”

SAMUEL 1 13:12 ပူးပေါင်းရင်းမြစ်များ

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

AMOS 8:5

Moiko in noguman kon i monimu tontaní, “Totuubí moonggot in singgai mita moḷoben. Kita in moibogdon ḷagi mopotaḷui in gandum naton, táe poramean tatua in diápabí doman mopaḷu-paḷut. Toonubí degá in singgai in Sabat mopaḷut, sinbá kita in motaaudon bui modagang? Kita in moibogdon totok in mongupit kon epa, monguboḷ kon pogogukuran, bo monombogá kon simbangan.

KORINTUS 2 9:7

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

SAMUEL 1 13:11

táe ki Samuel in noḻibó, “Onudon degá in inaidan i Tuang?” Tubag i Saul, “Inontongku rayat in momangkoidon monaḷámai kon inakó, bo ki Amá in diápa doman noiangoi podudui in wakutu inta ain sinantú i Amá. Apa doman intau in Pilistin ain noyosipun kon Mikhmas.

SAMUEL 1 13:13

Nokodongogmai kon natua, ki Samuel in noguman kon i Saul, “Mobodok totok in aid i Tuang tatua. Aka kuma bo ki Tuang in dinumudui kon parenta i Tuhan Allah kon i Tuang Datu, yo tantúon bidon i Tuhan kon mononoi in Tuang Datu bo buí i Tuang Datu in momarenta mobaḻí datu kon Israel naa.

SAMUEL 1 15:12

Nobangon monik doḷo-doḷom, ki Samuel nobuat sin mayá mokipodungkuḷ kon i Saul. Pinotaaudon kon inia kon ki Saul ain minayá kon kotá in Karmel sin moposindog in batu mobaḻí tompoingat kon inia kon tua, bodongka mayá in Gilgal.

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.

SAMUEL 1 21:7

Noitongkaná, in ki Doëg intau in Edom, itoi in gombala in bobiagon i Saul kon tua in singgai tua sin momaḷut kon onu inta sinantú kon agama.)