SAMUEL 1 12:8 - Alkitab Singog In Mongondow Masa In Tanaa

⁸ Kon dodai in ki Yakub bo motoḷuadínea namangoi in Mesir, bo intau in Mesir nopororiga kon i monia, mogoguyangmu in nopoigum in totuḷung kon i Tuhan, bo ki Tuhan in nopotabá kon i Musa bo kon i Harun. Taya dua tua in nodia kon mogoguyang monimu iḻumuai nongkon Mesir bo notuḷung kon i monia nogutun notantú kon butá tanaa.

SAMUEL 1 12:8 ပူးပေါင်းရင်းမြစ်များ

MAZMUR 105:44

Butá in bangusa mita inogoi-Nea kon i monia, gobá mita monia binaḻí-Nea kapunyaan in umat-Nea,

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

IḶUAIAN 6:26

Taya dua minayá kon tayowon i datu in Mesir sinbá sia mopoḷuatdon kon intau israel.

PINOGIAPAN 20:15

Mogoguyang nami minayá in Mesir bo nogutun notantú kon tua kon taongannea. Mogoguyang nami bo kami doman pinomiadon ibo-ibog in bangusa Mesir,

OUMAN IN RASUL MITA 7:15

Dá namangoi domandon in Mesir in ki Yakub bo ginaḷumnea mita nodapot in minatoi mita kon tua in mosia.

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

YOSUA 21:43

Natuata in pinobobogoi i Tuhan kon umat in Israel kon bayongan in butá inta ain pinodandi-Nea takin nongibot kon mogoguyang monia. Naonda in iḻimitú kon butá tatua, umat in Israel nogutundon notantú kon tua.

SAMUEL 1 10:18

bo noguman in sia kon i monia, “Naadon inta pinoguman i Tuhan, Allah in Israel, ‘Akuoi in nodiadon kon i monimu iḻumuai nongkon Mesir bo nopoḷuatdon kon i monimu nongkon kawasa in intau in Mesir bo bayongan in bangusa ibanea inta nopororiga kon i monimu.

SAMUEL 1 12:6

Bo ki Samuel in noguman bui, “Ki Tuhanbí inta ain nomiḻí kon i Musa bo kon i Harun, bo inta nodia kon mogoguyang monimu iḻumuai nongkon Mesir.