SAMUEL 1 12:5 - Alkitab Singog In Mongondow Masa In Tanaa

⁵ Bo nogumandon in ki Samuel, “Kon singgai in naa ki Tuhan bo datu inta piniḻí-Nea in nobaḻí sakusi kon akuoi in noniatadon kon diábí kotaḷá topiḻikmai.” “Oo totuu, ki Tuhan in nobaḻí sakusi naton,” tubag monia.

SAMUEL 1 12:5 ပူးပေါင်းရင်းမြစ်များ

KINOBAḺIAN 31:50

Ki Laban buipa doman noguman, “Aka iko mogaid kon inta moraat kon i adíku mita, ande mobuḷoi bui kon bobay mita ibanea, umpaka diá in nokototaau, yo pokotorop, ki Allah tantú moindoi mako kon inaton.

AYUB 16:19

Kinotaauanku kon mododuḷuku oyúon kon soroga; Sia in nobaḻí sakusi kon diábí in akuoi binaradosa.

AYUB 42:7

Naonda in nopaḷut mako nosingog kon i Ayub, nogumandon in ki Tuhan kon i Elipas, “Tumorú in Akuoi kon inimu bo kon yobayatmu taya dua, sin diá inouman monimu totu-totuu ki ine in Akuoi. Táe mogogundoi-Ku ki Ayub in diábí natua.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

OUMAN IN RASUL MITA 23:9

Dá nobobayowandon totok in mosia. Tongonumai in intau inta mototundú kon agama takin intau mita in Parisi, sinimindog kon muna bo nomayow totok. Mosia in noguman nanaa, “Intau tanaa in topiḻikmai yo diábí kinouḻían nami kon taḷá. Degá totuubí kon oyúon in roho andeka malaekat inta ain nosingog kon inia!”

OUMAN IN RASUL MITA 24:16

Tuamai akuoi in umuran moramuji totok sinbá ginaku in umuran modarit kon tayowon i Allah bo kon tayowon in intau.

OUMAN IN RASUL MITA 24:20

Andeka pomayádon mako sinbá intau mita tatua in mamangoi tontaní bo moguman kon romú onu in nouḻí monia kon inakó wakutu in akuoi kon tayowon in Mahkama Agama.

KORINTUS 1 4:4

Iraikumai, diábí kon dodai in onda akuoi in nogaid kon inta diá mopia, tongá tua in deemanbí bukti kon diá kotaḷá in akuoi. Sin tongábí ki Tuhan in motaau monantú kotaḷá andeka diá.

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

SAMUEL 1 12:4

Intau mita tatua notubag, “Diá, diábí kon dodai in onda ki Amá nonguboḷ andeka noposikisa kon inami; diábí nokoimontanmai in ki Amá in nogamá kon kapunyaan i ineka.”

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.