SAMUEL 1 12:25 - Alkitab Singog In Mongondow Masa In Tanaa

²⁵ Táe aka moiko umuran doman momia kon dosa, dá moiko bo datumu in moyopúbí.”

SAMUEL 1 12:25 ပူးပေါင်းရင်းမြစ်များ

AYUB 36:12

Táe aka diá mokidongog, yo matoi in mosia popisí in bodok monia.

YESAYA 1:20

Táe aka moiko moḷawang kon i-Nakó, moiko in matoibí kon poparangan. Akuoi, ki Tuhan, ain nosingog.”

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

HOSEA 10:3

Diádon moonggot bo moguman in mosia, “Kita in diádon ko datu sin kita in diá motoguondok kon i Tuhan. Onu in mangaḻenea in datu tobatú kon i naton?”

ULANGAN 28:36

Moiko takin datu monimu in diaan i Tuhan mayá in butá in intau ango-angoi inta diá kinotaauan monimu bo inta diá doman kinotaauan in mogoguyangmu. Kon tua in moiko mogundoidon kon ilah mita inta pinomia nongkon kayu bo batu.

ULANGAN 8:19

Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.

YOSUA 23:16

Aka moiko ḻimimpat kon dodandian inta ain pinarenta i Tuhan Allahmu kon inimu sinbá duduian, bo moiko mayá moibada kon toḻindua mita in Tuhan bo poḷat mosumba kon toḻindua mita in Tuhan tua, dá tumorú in ki Tuhan, bo mohukum kon i monimu. Diábí moonggot bo moiko komintan moyopú nongkon butá inta mopia naa, butá inta inogoi i Tuhan kon inimu.”

SAMUEL 1 13:1

Kon singgai tobatú kon tungkuḷ in ki Saul nobaḻídon datu,