SAMUEL 1 12:13 - Alkitab Singog In Mongondow Masa In Tanaa

¹³ “Tanaa, indoiai, naadon in sia, datu inta piniḻí monimu. Ain inigum monimu in sia, bo inogoidon i Tuhan in sia kon inimu.

SAMUEL 1 12:13 ပူးပေါင်းရင်းမြစ်များ

HOSEA 13:11

Takin rogi inogoi-Ku in datu kon inimu, bo takin rokokot in bagang inirud-Ku bui in mosia.”

OUMAN IN RASUL MITA 13:21

Noidudui kon tua mosia noigum kon datu, dá inogoi i Allah in ki Saul, ki adí i Kish inta nongkon suku Benyamin. Opat nopuḷú notaong sia in nobaḻí datu.

SAMUEL 1 10:24

Onda intua ki Samuel noguman kon rayat, “Naadon in intau inta piniḻí i Tuhan, diábí in poḻiu kon sigad naton komintan.” Bayongan in bangusa tatua norogiow, “Mobiag datu!”

SAMUEL 1 11:15

Bo minayádon in mosia komintan kon Gilgal, bo kon tampat pooibadaan tatua ki Saul binaḻídon datu. Mosia in noposumba in kuruban dodamean, bo ki Saul takin bayongan bangusa Israel in noramedon kon onu inta nobaḻí tatua.

SAMUEL 1 12:17

Akuoi in mokuani kon i Tuhan, bo umpaka tanaa sempo in poninggai, ki Tuhan in mopoangoibí in gotup bo uyan saḷaku tubag kon sambayangku. Bain tua bo kotaauandon monimu kon totuubí moḷoben in dosamu kon i Tuhan sin noigum kon datu tobatú.”

SAMUEL 1 12:19

Bo nogumandon in mosia kon i Samuel, “Tuḷungaipa, Amá, posambayangaipa in kami kon i Tuhan Allahmu, sinbá diá in kami matoi. Tanaa in kinotaauandon nami kon koḻikud in dosa nami koḻipod, kami in dinosadon bui sin kami ain noigum kon datu tobatú.”

SAMUEL 1 8:5

bo noguman kon inia, “Indongogaipa kaasí Amá, ki Amá aindon nogoguyang bo ki adí mita i Amá in diábí dinumudui kon aid i Amá. Dá maníka ki Amá moduídon kon datu tobatú bá oyúondon in datu nami ná doman bangusa mita ibanea.”

SAMUEL 1 9:20

Soaḷ keledaimu mita inta ain toḷu nosinggai naa in nobuḻi tua, dika moḻia-ḻiaw in gina, sin ain nouḻí. Apa doman, inta totok in mopia kon bayongan Israel in ogoi bidon kon inimu bo kon motoḷuadí i amámu.”