SAMUEL 1 11:7 - Alkitab Singog In Mongondow Masa In Tanaa

⁷ Takin sinumorú totok nogamá in sia kon sapi doyowa bo iratánea poḷat pinogko-pongkónea kino bayong. Onda intua pongkóan mita tatua pinoki dianea kon bayongan butá in Israel takin parenta nanaa, “Ki ine in doí mayá moparang dumudui kon i Saul bo kon i Samuel, yo sapinea mita in pongko-pongkóon doman nanaa!” Bangusa Israel noondok kon onu in pomiaan i Tuhan moiduduimai, dá bayongan in intau, diábí in sinaḻiban, moibogdon mayá moparang moyotakin.

SAMUEL 1 11:7 ပူးပေါင်းရင်းမြစ်များ

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

TAWARIKH 2 17:10

Ki Tuhan nopobaḻí kon bayongan in dodatuan kon diugmai in Yohuda moondok in moparang monayow kon i Datu Yosapat.

TAWARIKH 2 19:7

Moiko in mustibí motoguondok kon i Tuhan, bo mokopopia in mopobayá, sin ki Tuhan Allah naton in doíbí kon intau mita inta diá moadil, inta mobogat kon toḷosi andeka inta motarima kon bogoi pomompon kon bibig.”

YESAYA 8:13

Toropdon kon Akuoi, ki Tuhan Inta Totok in mokawasa in motusi. Tongábí Akuoi in musti koondokmu.

HAKIM MITA 19:29

Noidapotmai kon baḷoi, sinumuot in sia bo nogamá kon tosilad bo noyinga-yingat kon i buḷoinea ibanea tatua nobaḻí mopuḷú bo doyowa nopongkó. Nopaḷut mako kon tua, pinoki dianea in pongkóan mita in awak in bobay tatua kon suku mita in Israel inta mopuḷú bo doyowa tatua, tumongo batu.

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.