SAMUEL 1 11:15 - Alkitab Singog In Mongondow Masa In Tanaa

¹⁵ Bo minayádon in mosia komintan kon Gilgal, bo kon tampat pooibadaan tatua ki Saul binaḻídon datu. Mosia in noposumba in kuruban dodamean, bo ki Saul takin bayongan bangusa Israel in noramedon kon onu inta nobaḻí tatua.

SAMUEL 1 11:15 ပူးပေါင်းရင်းမြစ်များ

SAMUEL 2 19:15

Bo nobuatdon in ki datu bo nodapotdon in Ongkag in Yordan, kon dodai intua intau mita in Yohuda nodapotdon in Gilgal sin monontomu kon i datu bo moḷukad kon inia ḷumoḷan kon ongkag tatua.

IḶUAIAN 24:5

Bo ki Musa nopotabá in tongonumai tayowmobiag, bo mosia noposumba in kuruban inta sinubá kon i Tuhan bo poḷat noratá kon tongonumai in sapi sin pinokuruban nobaḻí kuruban dodamean.

YAKOBUS 4:16

Táe tanaa mako moiko in mokaḷakuang bo moambungangaḷ. Bayongan in ambungangaḷ natua in noitaḷábí.

SAMUEL 1 10:17

Dá ki Samuel in nogoiní kon bayongan intau in Israel sinbá moyosipun kon Mizpa,

SAMUEL 1 10:24

Onda intua ki Samuel noguman kon rayat, “Naadon in intau inta piniḻí i Tuhan, diábí in poḻiu kon sigad naton komintan.” Bayongan in bangusa tatua norogiow, “Mobiag datu!”

SAMUEL 1 10:8

Mopaḷut mako kon tua iko in musti mayá in Gilgal bo mogoḷat kon tua pitu nosinggai. Bain mamangoi in akuoi sin moposumba in kuruban payongon bo kuruban dodamean, bo mopotaau kon inimu onu in musti pomiaanmu.”

SAMUEL 1 12:1

Bo ki Samuel nogumandon kon bangusa Israel, “Dinuduiankudon komintan in bayongan inta pinoigummu bo ain noduí kon datu tobatú kon i monimu.

SAMUEL 1 12:17

Akuoi in mokuani kon i Tuhan, bo umpaka tanaa sempo in poninggai, ki Tuhan in mopoangoibí in gotup bo uyan saḷaku tubag kon sambayangku. Bain tua bo kotaauandon monimu kon totuubí moḷoben in dosamu kon i Tuhan sin noigum kon datu tobatú.”

SAMUEL 1 8:19

Táe bangusa tatua in doíbí mokidongogmai kon tosingogon i Samuel tua, nodapotdon in mosia noguman, “Biódon mako! Kami naa in moibog bidon in datu tobatú.