SAMUEL 1 11:11 - Alkitab Singog In Mongondow Masa In Tanaa

¹¹ Nobangon monik, doḷo-doḷompa, ki Saul nosilaidon kon intau mita nobaḻí toḷu nopaanan. Bo naonda in nomukádon in singgai mosia nonubu kon yua-yuak in pinononḷoḷaigan in intau in Amon tatua bo nomarang kon i monia. Diápa noutu in singgai, tontara i Saul in nonaḷowdon kon musung. Intau mita in Amon inta nokoḷagui, nongoirangkap nodapot in diádon in tododoyowa mako in noḷagui noyotakin.

SAMUEL 1 11:11 ပူးပေါင်းရင်းမြစ်များ

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

SAMUEL 2 18:2

Nopaḷut mako kon tua pinotabáneadon in mosia minayá noparang kon bonu in toḷu nopaanan, paanan mita tatua in kon bonu in tongganut i Yoab, i Abisai ki ai-ai Yoab bo Itai intau i Gat. Guman i datu kon intaunea, “Akuoi in mayá doman moyotakin monimu.”

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

IḶUAIAN 14:24

Naonda in modiugdon mobayag, ki Tuhan inta kon bonu in oigi tuḷú bo goḷom tatua inimindoi kon tontara mita in intau Mesir, bo pinotombauk-Nea in mosia tua.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

HAKIM MITA 1:7

Guman i Adoni-Bezek, “Koḻipod in pitu nopuḷú in datu inta pinongkóanku kon ki iná in ḻima bo sioḷ monia, bo binió-biókudon mako in mosia nokaan kon ki agat in kaanon inta noḷabú nongkon mejaku. Tanaa in ki Allah nopoaidon kon inakó ná onu inta pinopoaidku kon i monia.” Noiduduimai kon tua ki Adonia-Bezek dinia pinobayá in Yerusalem, bo kon tuadon in kinopatoiannea.

HAKIM MITA 4:16

Ki Barak nogaḷow kon kereta mita in parang bo tontara mita in musung tatua nodapot kon Haroset-Hagoyim bo bayongan in tontara i Sisera tatua iḻimodnea; diá tobatúmai in pinomayánea mako nobiag.

HAKIM MITA 7:16

Bo sinilaidon i Gideon in intaunea inta toḷu nogatut tatua nobaḻí toḷu notonsilai. Kon batúannea inogoian in torompet bo kendi tobatú inta binonuan in poḷombow.

HAKIM MITA 7:20

Doyowa nopaanan ibanea in dinumudui domandon nomia kon natua. Bo mosia in notonggódon komintan kon poḷombow mita monia takin nomaké in ḻima monia koḷoigi, bo nogirup kon torompet inta kon ḻima monia koḷanan. Mosia nomaḷú, “Kedang kon i Tuhan bo kon i Gideon!”

HAKIM MITA 9:43

Bo ki Abimelek nosipundon kon intaunea mita, bo sinilainea toḷu, bodongka minayá in mosia nogadop kon gobá mita. Naonda in sia mokoontong kon intau mita inta nogutun kon kotá namangoi in gobá, sia ḷumuai nongkon pinogadopannea bo moḻimod kon i monia.

SAMUEL 1 11:2

Ki Nahas in notubag, “Takin sarat tanaa akuoi in momia kon dodandian, ‘Mata koḷananmu kon batúannea in turakonku saḷaku singkuḻe kon bayongan in Israel!’ ”

SAMUEL 1 14:47

Naonda in ki Saul nobaḻí datu in Israel, sia in noparang kon bayongan tampat noḷawang kon bayongan musung in Israel, tuata in intau in Moab, intau in Amon, bo intau in Edom, datu mita in butá in Zoba, bo intau in Pilistin. Kon ondaka in poparangannea, umuran in sia mokountung.