SAMUEL 1 10:5 - Alkitab Singog In Mongondow Masa In Tanaa

⁵ Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.

SAMUEL 1 10:5 ပူးပေါင်းရင်းမြစ်များ

DATU MITA IMITÁNEA 18:29

Natuata in inaidan monia nodapot in ḷoḷabungnea naonda bo intau inta kinotapanan. Táe diábí doman in notubag, diábí in noindoimai.

DATU MITA 2 2:15

Nabi kon Yerikho inta ḻima nopuḷú tatua in nokoontong kon inia, bo noguman, “Kawasa i Elia in pinampingdon kon i Elisa!” Mosia in namangoi kon inia bo sinumungkud kon tayowonnea

DATU MITA 2 2:3

Tongopaanan in nabi inta nogutun kon tua in minayá nokipodungkuḷ kon i Elisa bo noḻibó, “Kinotaauanmu degá kon singgai in naa in ki tuangmu monaḷámaidon kon inimu sin diaandon i Tuhan mamonik?” “Oo, kinotaauankubí,” tubag i Elisa. “Táe natuabí, dikadon mongonguman kon tua in kita.”

DATU MITA 2 2:5

Topaanan in nabi inta nogutun kon tua minayá nokipodungkuḷ kon i Elisa bo noḻibó “Kinotaauanmudon degá kon singgai in naa ki tuangmu in diaandon i Allah bo monaḷámaidon kon inimu?” “Oo, kinotaauanku,” tubag i Elisa, “Táe kibio-biómaidon, dikadon mongonguman kon tua in kita.”

DATU MITA 2 2:7

bo nabi ḻima nopuḷú in dinumudui kon i monia. Ki Elia bo ki Elisa in sinumogon kon bingkí in ongkag, bo nabi inta ḻima nopuḷú tatua in sinimindog diá noyayú kon tua.

DATU MITA 2 3:15

Tanaa in diádon mangoi in intau tobatú inta motaau mopogogitog in kecapi.” Kon dodai in intau tatua mopogogitogmai in kecapinea, ki Elisa in kinawasa in Roho i Tuhan,

DATU MITA 2 4:38

Kon wakutu tobatú nobaḻídon in bodito kinodaitan in kaanon kon bayongan in butá. Dá nobuidon in ki Elisa kon Gilgal. Naonda in sia motundúmai kon topaanan in nabi mita, nokigamá in sia kon bobantungnea in bejana moḷoben tobatú bo nodungú kon kaanon kon i monia.

DATU MITA 2 6:1

Kon singgai tobatú nabi mita inta sinundú i Elisa, nogamui kon inia. Noguman in mosia, “Pogogutunan naton naa in noiḻiudon in intok!

TAWARIKH 1 13:8

bo ki Daud takin bangusa in Israel notayok bo nodondong takin pia totok in gina, sin mohoromat kon i Allah bo sinakinan in kecapi, rebana, simbal bo torompet.

TAWARIKH 1 16:42

Ki Heman bo ki Yedutum in mogirup doman kon torompet, simbal bo pakakat in musik ibanea inta pinogogitog sin monakin kon dondong mita dodayow. Intau mita in inanakan i Yedutun in pinoki ḷukadan in bonawang mita.

TAWARIKH 1 16:5

Ki Asap in piniḻí nobaḻí itoi inta tongguḷu totok bo ki Zakharia in oḻitnea. Ki Yeiel, ki Semiramot, ki Yehiel, ki Matica, ki Eliab, ki Benaya, ki Obed Edom bo ki Yeiel in pinoki gogitogan in kecapi. Ki Asap in pinoki bongkugan in Simbal,

MAZMUR 49:4

Akuoi in mopoyaputbí in tosingogon mita inta mobijaksana, onu in kon raianku naa totuubí modaḷom.

MAZMUR 92:3

Mopotaa-taau mako in tabi-Mu kon dodai in doḷo-doḷom, bo kososatia-Mu kon dodai in doḷom,

KORINTUS 1 14:1

Poigumonku mako moiko in umuran motabi kon intau ibanea bo tantú doman moramuji sinbá motarima kon totabi mita inta ogoi in Roho i Allah, muna-munamai in totabi mopotaau in tomayá mita i Allah kon intau.

SAMUEL 1 10:10

Naonda in ki Saul bo bobantungnea noyaput kon Gibea, noyodungkuḷ in mosia in nabi mita. Kon dodai doman intua ki Saul kinawasa in Roho i Allah, bo sinumakindon in sia notayok bo norogiow takin nabi mita tatua.

SAMUEL 1 10:4

Mosia in mopoyaputdon in salam kon inimu bo iko in ogoian monia in roti doyowa inta musti tarimaanmu.

SAMUEL 1 13:2

nomiḻí in sia kon intau in Israel 3.000; kon sigad monia tua, 2.000 in nogutun takinnea kon Mikhmas bo kon buḷud in Betel, bo 1.000 doman ibanea in minayá noyotakin i Yonatan ki adínea ḷoḷaki kon Gibea kon butá in suku Benyamin. Rayat mita ibanea in inogoidon nobui kon baḷoinea-baḷoinea.

SAMUEL 1 13:3

Onda intua ki Yonatan nonaḷow kon itoi in tontara in Pilistin inta kon Geba, bo kinodongogandon in bangusa Pilistin intua. Bo ki Saul nogirup in torompet kon bayongan in butá tatua sin mogoiní kon intau mita in Ibrani mayá moparang.

SAMUEL 1 19:20

Tuamai in ki Saul nopotabádon in tongonumai in totabá sin mayá modomok kon i Daud. Táe kino bayáanmai monia nabi mita noyosipun bo koyogot notayok noyotakin, ki Samuel in nobaḻí itoi. Bo totabá mita i Saul tatua kinawasa in Roho i Allah dá mosia doman in sinumakindon notayok bo nomaḷú.

SAMUEL 1 9:12

“Oo, oyúon,” tubag in mongodeaga mita tatua, “bagupa in sia minayá noiuna kon i monimu. Aka moiko ḻimikat, yo degá kobatukanbí monimu in sia. Sia in bagu namangoi in kotá sin singgai naa kon tudu in mezbah kon buḷud oyúon in sosumba kuruban kon rayat. Intau mita inta sinoko oiní in diápabí mongaan aka diápa in sia moiangoi, sin sia in munapabí momarakat kon sosumba tatua. Aka moiko mayá kon tanaadon mako, yo moyodungkuḷbí monimu in sia kon dodai in sia diápa motakod kon buḷud sin mongaan.”