SAMUEL 1 10:27 - Alkitab Singog In Mongondow Masa In Tanaa

²⁷ Táe tongonumai in intau moraat noguman, “Umpaka yo intau tanaa oyúon in mangaḻenea kon inaton?” Mosia mopoonagmai kon i Saul bo diá nobogoi in tombuinag kon inia. Táe tongábí in sia ki ubo uboḷmai diá nonotaau kon tua.

SAMUEL 1 10:27 ပူးပေါင်းရင်းမြစ်များ

SAMUEL 2 20:1

Kon Gilgal oyúon in intau mononuyayow tangoinea in ki Seba. Ki adí i Bikri in sia, nongkon suku in Benyamin. Kon dodai in ki Daud bo intaunea mita namangoi, nogirup in ki Seba kon torompet bo nomaḷú, “Diábí in tondoḷ naton bo i Daud. Onubí in mangaḻenea dumudui in kita kon inia? Ei intau mita in Israel, koḻigai mobui in kita!”

SAMUEL 2 8:2

Ki Daud in nonaḷow doman kon intau in Moab. Pinoki siugannea in mosia kon butá, bodongka iḻimodnea in intau doyowa kon sigad in pomuḷoi in intau toḷu. Dá intau in Moab notogu ondokdon kon i Daud bo noguboḻi kon pajak kon inia.

DATU MITA IMITÁNEA 10:25

Mosia kon batúannea in mamangoi takin kodia-dia in tombuinag kon i Salomo. Mosia mobogoi in pakakat mita saḷaka, buḷawan, ḷambung, ḷoḷutam, touḷut mita mongo bo mongobondu, kabaḷo bo bagal. Natuata in nobaḻí muḷoi in taong.

DATU MITA IMITÁNEA 4:21

Batúan in motoḷuadí oyúonbí in gobá in anggur bo gobá in ara. Kinoouputbí in kinobiagan i Salomo rayat kon bayongan in Yohuda bo Israel nongkon Dan nodapot in Bersyeba nobiag noaman bo notompia. Sin, bayongan in datu kon dotá in toyopan in Eprat notoguondok kon inia, bo bayongan in bangusa nongkon negara mita inta kon diugmai in dodatuan nea noyobayat takinnea. Butá kon dotá in toyopan kon Ongkag in Eprat nongkon Tipsah kon bingkí in Ongkag in Eprat minayá in toyopan ná kotá in Gaza kon Pilistin nodapot kon pinosigadan in Mesir, komintan kinawasa i Salomo. Bangusa mita kon butá tatua notoguondok kon inia bo moguboḻi kon iba. Bahan mita in kaanon inta paraḷuon i Salomo muḷoi in singgai in 5.000 noliter in topong inta moyimok, 10.000 noliter in topong inta nogoros, 10 in sapi kinobang, 20 in sapi kon popokaannea, bo 100 in domba. Koḻikud intua, rusa doman, rusa koḷakian, menjangan bo biag ḷumoḷayug.

DATU MITA IMITÁNEA 5:1

Ki Hiram, datu in Tirus, umuran noyobayat i Datu Daud. Naonda in kinodongogan i Hiram kon ki Salomo in nobaḻídon datu nonoḻiu kon i Daud, ki amánea, sia in nopotabá in intaunea namangoi kon i Salomo.

TAWARIKH 2 13:7

Nosipun in sia kon topaanan in intau mita inta diá koendar bo nomakisa kon onu inta kinoibog monia kon i Rehabeam ki adí ḷoḷaki i Salomo, inta kon dodai intua noiḻiupa in bagu bo diápa kopongalaman noparang.

TAWARIKH 2 17:5

Ki Tuhan in nobogoi kon i Yosapat in ḷoḻitúan inta moropot nobaḻí datu in Yohuda. Bayongan in rayat nobogoi in tombuinag mita kon inia bo nobaḻí in sia nooyúon poḷat doman ihoromat totok.

MAZMUR 38:13

Intau inta moibog moḻimod kon inakó notaan kon potait kon inakó; inta moibog mopobodito kon inakó nopogogondok moyompat kon inakó.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

MOHOHUTUBA 7:21

Dika moibog umuran mokidongog kon ouman diá totuu, sin dikabo iko in koyogotbí inodi-odian in bobantung tobatú.

YESAYA 36:21

Nokodongog kon tua, intau mita in Yerusalem diábí notubag, sin ki Datu Hizkia ain nomarenta sinbá mosia kibio-biómai.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

OUMAN IN RASUL MITA 7:35

Ki Musa naa kinodoí in bayongan intau Israel bo inta siningog monia nanaa, ‘Eta ki inebí in nomaḻí kon inimu itoi bo hakim kon sigad nami?’ Táe ki Musabí intau inta pinotabá i Allah mobaḻí itoi bo mopoposaḷamat, takin totuḷung in malaekat inta namangoi kon inia inta kon yua-yuak in díat tatua.

ULANGAN 13:13

kon tongonumai intau moraat nongkon bangusamu aindon nopoḷaḻe kon intau inta nogutun kon kotá sin mosumba kon ilah mita inta diá kinotaauan monimu.

SAMUEL 1 11:12

Onda intua noḻibódon in intau in Israel kon i Samuel, “Kon ondadon degá in intau mita inta noguman kon ki Saul in diábí patus mobaḻí datu naton? Igumon nami posarakandon i amá kon inami, sinbá ḻimodon nami.”

SAMUEL 1 11:13

Táe ki Saul noguman, “Tobatúmai in diábí motaau ḻimodon singgai in naa, sin kon singgai in naa ki Tuhan ain noposaḷamat kon Israel.”

SAMUEL 1 16:20

Onda intua ki Isai noposadiadon in keledai tobatú, bo nopodatog in ki adí in bembé tobatú, roti bo botutu kuḻit inta binonuan in anggur kinopuḻing. Tua komintan in inogoinea kon i Daud sin ogoi mobaḻí sosumba kon i Saul.

SAMUEL 1 2:12

Ki adí mita i Eli in mongoraat totok. Mosia in doí dumudui kon parenta i Tuhan

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”