SAMUEL 1 10:26 - Alkitab Singog In Mongondow Masa In Tanaa

²⁶ Ki Saul nobui domandon kon baḷoinea kon Gibea, sinakinan in tongonumai in intau inta motorindog bo mobarani inta ain pinopogonú i Tuhan in ginanea.

SAMUEL 1 10:26 ပူးပေါင်းရင်းမြစ်များ

SAMUEL 2 21:6

Tuamai, ogoidon in intau pitu nongkon buínea inta ḷoḷaki, sinbá gantongon nami kon tayowon i Tuhan kon Gibea, kotá i Datu Saul tontaní.” Tubag i datu, “Mopia, ogoikubí in mosia.”

EZRA 1:5

Noiduduimai kon tua tongguḷu mita in inanakan nongkon suku i Yohuda bo i Benyamin, imang mita bo intau mita in Lewi, bo kon batúan in intau inta pinopogonúan i Allah, nonouḷut sin mobui kon Yerusalem bo moposindog bui in Baḷoi Tuhan.

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

YESAYA 10:29

Mosia in noitaḻibdon kon iḷoḷanan bo nogogai kon Geba! Intau kon kotá in Rama gugur mako, bo intau in Gibea, kotá i Datu Saul, ain noḷagui.

OUMAN IN RASUL MITA 13:48

Wakutu in dinongog in bayongan intau inta deeman Yahudi in singog tatua, nopia totok in gina monia bo totokdon in nodayow kon i Tuhan. Bo bayongan intau inta aindon piniḻí i Allah sinbá mokouḻí kon kobiagan mononoi, komintandon nopirisaya.

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

HAKIM MITA 20:14

Sedang bo bayongan in intau mita in kotá kon butá in Benyamin tua namangoi kon Gibea sin momarang kon intau mita in Israel ibanea mako tua.

SAMUEL 1 11:4

Natuata in totabá mita tatua nodapot in Gibea, tampat pinogutunan i Saul. Naonda in mosia nopotaau in habar tatua, nongombaḷdon in rayat popisí in kinobuḻiandon in kamang.

SAMUEL 1 13:2

nomiḻí in sia kon intau in Israel 3.000; kon sigad monia tua, 2.000 in nogutun takinnea kon Mikhmas bo kon buḷud in Betel, bo 1.000 doman ibanea in minayá noyotakin i Yonatan ki adínea ḷoḷaki kon Gibea kon butá in suku Benyamin. Rayat mita ibanea in inogoidon nobui kon baḷoinea-baḷoinea.

SAMUEL 1 15:34

Nopaḷut mako kon tua ki Samuel minayá in Rama, bo ki Datu Saul in nobuidon kon baḷoinea kon Gibea.