SAMUEL 1 10:20 - Alkitab Singog In Mongondow Masa In Tanaa

²⁰ Bo ki Samuel in nopotabá in bayongan suku inumuna bo suku Benyamin in kinopiḻían.

SAMUEL 1 10:20 ပူးပေါင်းရင်းမြစ်များ

SAMUEL 2 3:19

Ki Abner in noyosingog doman in intau mita in Benyamin, bo onda intua minayá in sia in Hebron sin mopotaau kon i Daud kon onu inta ain yopakat noyotakin in intau in Benyamin bo intau in Israel.

YUNUS 1:7

Naonda in ki Yunus bo mododia kon kapaḷ tatua nopoonik, intau mita in kapaḷ tatua in nosigumanan, “Igai bá mopogonik in undi in kita sinbá kotaauan naton mongo ki ine in kotaḷá nodapot in kinoantugan in bodito tanaa!” Mosia in nopogonik in undi, bo tangoi i Yunus in kinotugatan.

ULANGAN 33:12

Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”

SAMUEL 1 10:19

Akuoi ain nopoḷuat kon i monimu nongkon bayongan roriga bo sikisa, táe tanaa in moiko mondoídon kon i-Nakó, ki Allahmu, sin moiko in mopoigum sinbá Akuoi motayak kon datu tobatú kon inimu. Dá, poyosipundon kon tayowon-Ku, ki Tuhanmu, podudui in suku bo inanakanmu.’ ”

SAMUEL 1 10:21

Naonda in motoḷuadí mita kon bonu in suku Benyamin tatua pinoki unaan, dá motoḷuadí i Matri in kinopiḻían. Pangabisannea namangoidon i muna in ḷoḷaki mita kon bonu in motoḷuadí i Matri; bo ki Saul ki adí i Kish in kinopiḻían. Bo sinayak monia in ki Saul, táe diá in sia.

SAMUEL 1 14:38

Manangka intua ki Saul noguman kon bayongan itoi in rayat, “Koḻigaipa kon naa komintan bo taridipa mongo dosa onu in ain inaidan kon singgai in naa.

SAMUEL 1 14:41

Onda intua nosambayangdon in ki Saul, “Tuhan, Allah in Israel, nongonu sin singgai in naa in diábí sinubagan-Mu in akuoi? Tuhan, tubagaipa in akuoi pongin batu mita inta motusi naa. Aka taḷá tatua bo noiḻitú kon inakó andeka kon i Yonatan, tubagaidon pongin batu Urim, táe aka taḷá tatua bo noiḻitú kon umat-Mu Israel, tubagaidon pongin batu Tumim.” Dá tubag i Tuhan noitundú kon i Yonatan bo kon i Saul; dá rayat pinoniatadon kon diá kotaḷá.