SAMUEL 1 1:7 - Alkitab Singog In Mongondow Masa In Tanaa

⁷ Tua in nobaḻí pomuḷoi in taong; aka mosia mayá in Baḷoi Tuhan, umuranbí i Penina popoyaat in ginanea. Mokakit in ki Hana mongombaḷ bo doí mongaan popisí in siningkuḻe in sia.

SAMUEL 1 1:7 ပူးပေါင်းရင်းမြစ်များ

MAZMUR 102:4

Kobiaganku in moinggamá naonda bo poyok; tuḷanku mita in monombaga naonda bo tuḷú.

MAZMUR 102:5

Mokoḷung in akuoi naonda bo bonok noingkag, bo diádon in ibog mongaan.

YEREMIA 41:5

namangoidon in intau waḷu nopuḷú nongkon Sikhem, Silo bo Samaria. Mosia in nongarugdon kon tampeng, nomerak kon ḷambung, bo nonongkekeb kon awak monia. Mosia in nodia kon gandum bo kamania sin posumba kon Baḷoi i Tuhan.

SAMUEL 1 1:6

Ki Hana naa in umuran i Penina inta buḷoi toḻindua tatua popoyaaton in ginanea bo singkuḻeon, sin ki Tuhan in diá nobogoi in adí kon inia.

SAMUEL 1 1:8

Bo pomuḷoi doman mako ki Elkana, ki buḷoinea, moḻibó “Nongonu sin mongombaḷbí in iko Hana? Nongonu sin iko in doíbí mongaan bo umuran molamurú mako? Degá diábí kinotaauanmu kon akuoibí naa in moponti-ponting kon inimu nongkon adí mita ḷoḷaki mopuḷú?”

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.

SAMUEL 1 2:19

Pomuḷoi in taong ki inánea momia kon jubah mointok bo ogoinea kon i Samuel aka bobay tatua moyotakin i buḷoinea mamangoi moposumba in kuruban taongan.