SAMUEL 1 1:23 - Alkitab Singog In Mongondow Masa In Tanaa

²³ Tubag i Elkana, “Mopia, aidaidon onu inta inanggapmu mopia; kon baḷoipa modapot in motompodon in wakutunea pongguatanmu kon i adí natonda. Bo igumon mako ki Tuhan in mopotuoi in dandimu mobaḻí moniata.” Dá, ki Hana kon baḷoipa nodapot in adí tatua ginuatdon kon teté.

SAMUEL 1 1:23 ပူးပေါင်းရင်းမြစ်များ

SAMUEL 2 7:25

Bo tanaa, o Tuhan Allah, moibog in Iko moginrigon kon dandi inta ain siningog-Mu soaḷ akuoi bo buíku kon kinoouputbí in dunia naa. Aka motaau dá aidaidon in onu inta ain pinodandi-Mu tatua.

DATU MITA IMITÁNEA 3:21

Nobangon monik doḷo-doḷom, naonda in akuoi nobangon bo kuma mopotetédon in adíku mointok tatua, indoiankumai yo minatoi bidon. Naonda in sinaridikumai, noniata magí yo deemanbí ki adíku.”

MAZMUR 22:9

Mosia in noguman, “Pobiódon mako in sia mopongata kon i Tuhan, sinbá ki Tuhan in moposaḷamat kon inia, aka mopia in gina i Tuhan kon inia!”

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.

PINOGIAPAN 30:12

Táe aka kon dodai in ki buḷoinea nokodongog bo poḷat nogimaḷow kon inia, dá bobay tatua in diádon noitogot kon dandinea tatua. Ampunganbí i Tuhan in sia, sin sia in diá inogoi i buḷoinea.

MATIUS 24:19

Moboditodon guyanga mita bobay inta sidia andeka inta koyogotpa in nopoteté in adí kon dodai intua!

LUKAS 11:27

Koyogotpa in ki Yesus nosingog, indoianmai tobatú bobay kon sigad intau mobayong tatua nogumanbí kon i Yesus nanaa, “Mosanangdon totok in bobay inta nopolahir bo nopoteté, kon i Tuang.”

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”

SAMUEL 1 14:36

Onda intua ki Saul noguman kon intaunea mita, “Koḻigai mayá in kita monubu kon intau in Pilistin doḷom naa bo mogagow kon i monia modapot in doḷo-doḷom bo moḻimod kon i monia komintan.” Mosia in notubag, “Mopia Tuang Datu aidaidon onu inta mopia kon mata i Tuang datu.” Táe ki imang in noguman, “Koḻigai munapa in kita mopoigum in totundú nongkon i Allah.”

SAMUEL 1 14:40

Bo nogumandon in ki Saul kon bayongan rayat in Israel, “Moiko komintan sindog kon dotá in naa.” Tubag monia, “Pomiadon Tuang Datu in onu inta inanggapmu mopia.”