SAMUEL 1 1:17 - Alkitab Singog In Mongondow Masa In Tanaa

¹⁷ Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”

SAMUEL 1 1:17 ပူးပေါင်းရင်းမြစ်များ

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

SAMUEL 2 15:9

Tubag i datu, “Bayádon takin saḷamat.” Bo nobuatdon in ki Absalom minayá in Hebron.

DATU MITA 2 5:19

Guman i Elisa, “Bayádon takin saḷamat.” Bo minayádon in ki Naaman. Diá noonggot naonda in ki Naaman nobuat,

TAWARIKH 1 4:10

Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

MARKUS 5:34

Dá ki Yesus in noguman kon bobay tatua, “Adí-Ku, popisí in iko bo mopirisaya kon i-Nakó dá nopia in iko! Bayádon takin saḷamat, iko in totu-totuudon nopia!”

LUKAS 7:50

Ki Yesus in bui noguman kon bobay tatua, nanaa, “Pirisayamu ain nokosaḷamat kon inimu. Bayádon iko takin saḷamat!”

LUKAS 8:48

Ki Yesus in noguman kon bobay tatua, “Adí-Ku, pirisayamu ain nokosaḷamat kon inimu. Bayádon takin saḷamat.”

HAKIM MITA 18:6

Tubag in imang tatua, “Dika moḻi-ḻiaw in gina. Kino ibog bidon i Tuhan in bobayáan monimu tanaa.”

SAMUEL 1 1:16

Dikabí anggapon kon akuoi in bobay inta diá mopia. Akuoi in nosambayang ná tanaa sin monakitdon totok in ginaku.”

SAMUEL 1 1:23

Tubag i Elkana, “Mopia, aidaidon onu inta inanggapmu mopia; kon baḷoipa modapot in motompodon in wakutunea pongguatanmu kon i adí natonda. Bo igumon mako ki Tuhan in mopotuoi in dandimu mobaḻí moniata.” Dá, ki Hana kon baḷoipa nodapot in adí tatua ginuatdon kon teté.

SAMUEL 1 20:42

Onda inta nogumandon in ki Yonatan kon i Daud, “Poigumon mako ki Allah in motuḷung kon inimu. Ki Tuhan in moḷukadbí kon inaton bo buí naton in umuranbí mokadai kon dodandian natonda kon tayowon i Allah.” Nopaḷut mako kon tua minayádon in ki Daud, bo ki Yonatan in nobuidon kon kotá.

SAMUEL 1 25:35

Nopaḷut mako kon tua ki Daud notarima kon bayongan inta dinia i Abigail kon inia, bo noguman kon inia, “Pobuidon kon baḷoimu bo dikadon moḻia-ḻiaw in gina. Onu inta pinoigummu in duduiankubí.”

SAMUEL 1 29:7

Tuamai in pobuidon takin saḷamat, bo dikadon momia kon onuka inta mokopomuká kon torú monia.”