RUT 3:13 - Alkitab Singog In Mongondow Masa In Tanaa

¹³ Doḷom naa in posiugpa in iko kon naa. Ikoḷom doḷo-doḷom bain bayáanku ḻibóon mongo moibog in sia mopobayá in oaidannea tatua kon inimu andeka doí. Aka moibog in sia, dá mopia; táe aka doí in sia, dá modandi in akuoi podoyon kon i Allah inta nobiag, aidanku in onu inta mustiku aidan tatua. Tanaa in posiugdon iko kon naa dapot in doḷo-doḷom.”

RUT 3:13 ပူးပေါင်းရင်းမြစ်များ

YEREMIA 12:16

Aka mosia takin ḻimbatú in gina moibog motarima kon agama in umat-Ku bo moibog mongibot takin moguman, ‘Podoyon kon i Tuhan inta nobiag,’ – ná koḻipod in mosia notundú kon umat-Ku nongibot pinodoyon kon Baal – dá mosia in moidugangdon kon umat-Ku bo mobaḻí mooyúon.

YEREMIA 4:2

Aka moiko in mongibot podoyon kon tangoi-Ku bo moiko in mobiag mojujur moadil bo mobanar, dá bayongan in bangusa in mopoigumbí kon i-Nakó sinbá barakatan-Ku in mosia, bo mosia in modayow kon i-Nakó.”

KORINTUS 2 1:23

Ki Allahbí tontaní in nobaḻí sakusiku – bo inta nonotaau kon ginaku – kon akuoi in diá nobaḻí namangoi in Korintus sin akuoi in doíbí mopoyoyigamai kon gina monimu.

IBRANI 6:16

Aka intau bo mongibot, yo mongibotbí in sia podoyon kon tangoi in intau inta moḷantu-ḷantud nongkon inia, dá ibotnea tatua in monginggamádon kon bayongan bobayowan.

HAKIM MITA 8:19

“Mosia tua in ki utatku mita – ki adí mita i ináku,” guman i Gideon. “Aka kuma bo diá iḻimod monimu in mosia, yo totuu kon diábí doman ḻimodonku in moiko.”

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 3:12

Totuubí, kon mustibí in akuoi moindoi kon kobiaganmu, sin akuoi naa in ginaḷummu inta modagin. Táe oyúonpabí in intau ibanea inta musti moindoi kon kobiaganmu. Bo sia tua in ginaḷum inta modagi-dagin nongkon inakó naa.

RUT 4:5

Bo ki Boas in noguman, “Mopia aka natua. Táe, aka taḷuionmu in butá tatua nongkon i Naomi, dá musti doman gamáanmu in ki Rut, bobay in Moab, ki baḷú adí i Naomi. Sin, butá tatua in mustibí umuran mobaḻí kapunyaan in buí in intau inta ain minatoi tatua.”

RUT 4:6

Tubag in intau tatua, “Aka natua, dá diá in akuoi mokosanggup. Dá tanaa in mopia-piabí kon ḷuatankudon in hakku saḷaku intau inta muna totok inta musti motaḷui kon butá tatua. Diá in mangaḻenea potaḷuianku kon tua sin butá tatua in notantúdon kon diábí mobaḻí kapunyaan in buíku. Maníka ikodon in motaḷui kon tua.”