RUT 2:20 - Alkitab Singog In Mongondow Masa In Tanaa

²⁰ “Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 2:20 ပူးပေါင်းရင်းမြစ်များ

SAMUEL 2 2:5

nopotabá in sia in totabánea minayá takin koyow, “Poigumon mako ki Tuhan momarakat kon i monimu, sin moiko in noponiatadon in kotoinduduimu kon i datumu sin noḷobong kon awaknea.

SAMUEL 2 9:1

Kon singgai tobatú noḻibó in ki Daud, “Oyúonpa degá in nobiag in intau nongkon motoḷuadí i Saul? Aka oyúonpa, yo akuoi in moibog mopoaid in mopia kon inia sin motuḻí kon aid mopia i Yonatan.”

AYUB 19:25

Kinotaauanku kon soroga oyúon in mototuḷungku; kon imbuitnea mamangoi in Sia motuḷung kon inakó.

AMSAL 17:17

Yobayat tobatú umuranbí mosatia kon topotakin, táe utat tobatú moitakin mobaba kon roriga.

IMAMAT 25:25

Aka intau Israel tobatú mobaḻí nomasiking dá pakisadon sia mopotaḷui in butánea, dá ki utatnea inta modagin totok kon inia in kitogi hak motobut kon butá tatua.

PILIPI 4:10

Kon kobiagan inta notobatúdon i Tuhan, moḷunganga totok in ginaku, sin umpakabí noonggotdon, táe umuranpabí norai kon kaadaanku. Makusudku in deemanbí kon kinoḻiongandon monimu in akuoi; umuranpabí doman kinotoropan monimu, táe diádon in wakutu monimu mopoontong intua.

RUT 2:21

Onda intua ki Rut noguman bui, “Iná, intau tatua in noguman doman kon akuoi in motaaubí tantú mopuyut kon gandum moyotakin in intaunea mita modapot in motoḻisí komintan in bungai in boyó kon gobánea.”

RUT 3:12

Totuubí, kon mustibí in akuoi moindoi kon kobiaganmu, sin akuoi naa in ginaḷummu inta modagin. Táe oyúonpabí in intau ibanea inta musti moindoi kon kobiaganmu. Bo sia tua in ginaḷum inta modagi-dagin nongkon inakó naa.

RUT 4:14

Bobay mita in noguman kon i Naomi, “Dinayo-dayowdon in ki Tuhan! Sia in nobogoidon in ompu ḷoḷaki tobatú kon inimu kon singgai in naa sin moḷukad kon inimu. Poigumon mako adí tatua in mobaḻí intau moḷoben kon Israel!

RUT 4:4

Bo rasaanku in mustibí kotaauanmu in tua. Aka moibog in iko motaḷui kon tua, yo pogumandon kon tayowon in intau mita inta iḻimitú kon naa. Aka diá, yo pogumandon moyogintayowan doman mako naa, sin tongábí kitada in oyúon hak kon tua; iko in muna-munamai, akuoi in nogindua.” Tubag in intau tatua, “Oo, taḷuionku intua.”

RUT 4:6

Tubag in intau tatua, “Aka natua, dá diá in akuoi mokosanggup. Dá tanaa in mopia-piabí kon ḷuatankudon in hakku saḷaku intau inta muna totok inta musti motaḷui kon butá tatua. Diá in mangaḻenea potaḷuianku kon tua sin butá tatua in notantúdon kon diábí mobaḻí kapunyaan in buíku. Maníka ikodon in motaḷui kon tua.”