SURAT I PAULUS KON JAMAAT RUM 9:9 - Alkitab Singog In Mongondow Masa In Tanaa

⁹ Sin nanaabí in dandi i Allah, “Kon wakutu inta ain sinantú, Akuoi in mamangoi, bo ki Sara in mokouḻí kon tobatú adí ḷoḷaki.”

SURAT I PAULUS KON JAMAAT RUM 9:9 ပူးပေါင်းရင်းမြစ်များ

KINOBAḺIAN 17:21

Táe dodandian-Ku in popotogot-Kubí kon i Ishak, ki adímu inta pononggadí i Sara, taong moiduduimai degá ná doman kon oras tanaa mako.”

KINOBAḺIAN 18:10

Tobatú inta kon sigad nayatoḷu tua in noguman, “Siowpa nobuḷan Akuoi in momangoi bui. Bo kon dodai intua ki Sara ki buḷoimu in kogadídon kon adí ḷoḷaki.” Kon dodai intua ki Sara nokidongog mako nongkon ḷoḻingkop in ḷoḷaigan, inta kon tumimai in mokokiangoi mita tatua.

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

KINOBAḺIAN 21:2

Kon wakutu inta ain sinantú i Allah, kon dodai in ki Abraham ain nogoguyang, ki Sara in sidiadon bo nopononggadí in adí ḷoḷaki tobatú.

OUMAN IN RASUL MITA 5:38

Tuamai akuoi in moguman kon i monimu nanaa: Donaaidon rupa-rupaanmai monimu in intau mita tatua. Pomayádon mako in mosia. Sin aka makusud bo oaid monia naa nongkon intau, yo moputúbí doman in mosia.

IBRANI 11:17

Popisí doman in mopirisaya, dá ki Abraham nobaranibí in noposumba kon i Ishak saḷaku kuruban kon i Allah wakutu in inuji i Allah in sia. Ki Abrahambí tua in pinobogoian i Allah kon dandi-Nea, táe norelabí in sia in noposarakan kon i adínea inta tongá totobatú tua.