SURAT I PAULUS KON JAMAAT RUM 9:33 - Alkitab Singog In Mongondow Masa In Tanaa

³³ Kon Buk Motusi ain pinais nanaa soaḷ batu tatua, “Tarukiradon in naa: Ain inukatan-Ku in Sion tobatú batu inta mokopopisí kon intau moipintud; tobatú batu moḷoben inta mokopopisí kon intau moidompaḷak. Táe intau inta mopirisaya kon i-Nia in diábí pokopooyáan-Neamai.”

SURAT I PAULUS KON JAMAAT RUM 9:33 ပူးပေါင်းရင်းမြစ်များ

MAZMUR 118:22

Batu inta iḷumbú in mogogaid mita kon baḷoi, ain nobaḻí batu tongguḷunea.

MAZMUR 119:116

Iropotai in akuoi podudui in dandi-Mu sinbá mobiag in akuoi, dika pomayá mako in akuoi in pokudaion kon bonu in akuoi nongamang.

MAZMUR 25:20

Ḷukadaidon bo posaḷamatpa in akuoi, sinbá diá mooyá in akuoi, sin akuoi in noniung kon ini-Mu.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 54:4

Dika moondok, iko in diábí pokopooyáanmai: diábí singkuḻeon bo oyáon. Iko in mokoḻiong bidon kon aidmu inta diá motoindudui kon tungkuḷ noguodpa; diá bidon mokotorop bui kon kaadaanmu saḷaku boba-bobay.

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MATIUS 21:44

Bo ki ine in moḷabú kon tudu in batu tatua, yo morimumud in sia bo ki ine in koḷabúannea yo moputo-putoḷ in sia.]”

SURAT I PAULUS KON JAMAAT RUM 10:1

Utat mita, ibogonku totok bá bangusaku in posaḷamaton. Dá tuamai akuoi in totokdon in totu-totuu mosambayang kon i Allah sin kopontingan monia.

SURAT I PAULUS KON JAMAAT RUM 10:11

Kon bonu in Buk Motusi ain pinais nanaa, “Intau inta mopirisaya kon i-Nia in diábí pokopooyáanmai.”

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

GALATIA 5:11

Bo aka soaḷ akuoi utat mita, nongonubí sin umuranbí saturuon monimu in akuoi aka moguman kon atorang in sunat tua in diábí moponting? Aka akuoi mopotaau in natua, dá onu inta pinotaauku soaḷ kayu pinoyotaḻempang i Kristus, diá bidon mokopomuká kon bobayowan.

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

TIMOTIUS 2 1:12

Tuamai akuoi in nokorasa kon bayongan roriga tatua, táe akuoi in umuranbí moyakin sin kinotaauankubí totok ki ine in pinirisayaku tua. Moyakinbí in akuoi kon onu inta ain inogoi-Nea pinoki aid kon inakó tantúbí koḷukadan-Nea modapot in Singgai Pangabisan.

YOHANES 1 2:28

Pogumanku bui kon i monimu adíku mita: Kobiag umuran motobatú takin i Kristus, sinbá aka Sia in mamangoidon bui, yo kita in diádon moondo-ondok in tumayow kon i-Nia, bo diá domandon mooya-oyá.