SURAT I PAULUS KON JAMAAT RUM 9:21 - Alkitab Singog In Mongondow Masa In Tanaa

²¹ Intau inta mogogaid kon pot tatua oyúonbí in haknea momia kon butá ḷamentong podudui in ibognea tontaní? Nongkon ḷamentong tobonsig motaauneabí pomiaan pot doyowa; tobatú in pomiaannea kopiraan, bo tobatú doman in pomiaannea diá totok kopiraan.

SURAT I PAULUS KON JAMAAT RUM 9:21 ပူးပေါင်းရင်းမြစ်များ

AMSAL 16:4

Bayongan yagi-yagi inta inaidan i Tuhan oyúonbí in makusudnea; bo makusud in intau moraat tuata in bodito.

YESAYA 10:15

Táe ki Tuhan in noguman, “Degá motaau in boḻiung in dumodia kon intau inta mopomaké kon inia? Degá garagaji in moponti-ponting in intau inta nopomaké kon inia? Deemanbí bobobak in nobuat kon intau, táe intaubí in motonggó kon bobobak.”

YESAYA 45:9

Moboditodon in intau inta mobobayowan takin i Inta nomaḻí kon inia; sia in naonda bo kuyon inta moḷawang kon intau inta nomia kon inia. Eta degá ḷamentong moḻibó kon mogogaid kon kuyon, “Koyogot mongonu in iko?” Degá kuyon mogamui kon inta nogaid kon inia in diá motaau?

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

YEREMIA 22:28

Akuoi ki Yeremia in noguman, “Degá ki Datu Yoyakhin in nobaḻídon naonda bo kuyon noḷosi inta iḷumbú bo kinodoídon? Tua degá in mangaḻenea kon sia bo ki adínea mita in untunon bo ḷumbúon kon butá inta diá kinotaauan monia?”

HOSEA 8:8

Naonda bo kuyon inta noḷosi, natuata in Israel diádon in mangaḻenea, bo nobaḻídon bangusa inta biasa ná bangusa mita ibanea.

OUMAN IN RASUL MITA 9:15

Táe ki Tuhan in noguman kon i Ananias, “Bayádon! Sin sia tua ain bidon piniḻí-Ku mobantung kon i-Nakó mopotaa-taau mako in Habar Mopia soaḷ Akuoi kon bangusa mita ibanea inta deeman intau in Yahudi bo kon datu mita bo kon intau mita in Israel.

SURAT I PAULUS KON JAMAAT RUM 9:11

Wakutu in adí doyowa tatua in diápa pinononggadí, sinantúdon muna i Allah ki ine in piḻíon-Nea kon singgai moiduduimai. Onu in piniḻí i Allah, deemanbí noidoyon kon onu inta komampuan aidan in intau, táe pinodoyonbí kon ibog i Allah tontaní. Sin kon wakutu in ki adí i Ribka doyowa tatua diápa motaau mogaid kon onu inta mopia ande inta moraat,

SURAT I PAULUS KON JAMAAT RUM 9:18

Dá ki Allah in motabi kon intau inta kinoibog-Nea. Bo popotogaton-Nea in gina intau tobatú aka tua in kino ibog-Nea doman.

SURAT I PAULUS KON JAMAAT RUM 9:20

Táe, Utat! Iko in tongábí intau ilo-ilow, bo iko in diábí mokobaḻí momayow kon i Allah! Pot in bungang motaau degá in moḻibó kon intau inta nomia kon inia, “Nongonu sin inaidanmubí nanaa in akuoi?”