SURAT I PAULUS KON JAMAAT RUM 9:19 - Alkitab Singog In Mongondow Masa In Tanaa

¹⁹ Utat mita, moiko in mogumanbí nanaa kon inakó, “Aka natua yo nongonu sin ki Allah in moibogpabí mopotaḷá in intau? Ki ine in mokoḷamboi kon ibog i Allah?”

SURAT I PAULUS KON JAMAAT RUM 9:19 ပူးပေါင်းရင်းမြစ်များ

KINOBAḺIAN 50:20

Moiko ain noyopakat sin mogaid kon inta moraat kon inakó, táe ki Allah ain nomaḷui kon inta moraat tua nobaḻí kopiaan, sinbá pinongin onu inta ain nobaḻí koḻipod tua mobayong intau inta nobiag masai naa in motaau posaḷamaton.

TAWARIKH 2 20:6

bo nosambayang noropot, “Oo Tuhan, Allah in mogoguyang nami! Iko in ki Allah inta kon soroga bo inta nomarenta kon bayongan in bangusa kon dunia. Iko in mokawasa bo moropot; diábí in tobatúmai in mokoḷawang kon ini-Mu.

AYUB 9:19

Degá musti in akuoi moropatoi takin-Nea? Táe indoian, totuu motoyang in ropot-Nea! Aka kuma bo pongaduku in Sia, ki ine in kobaḻí mogoiní kon i-Nia mayá in pongadilan?

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

YESAYA 29:16

Bayongan yagi-yagi tuuyon monia. Onda in moponti-ponting, mogogaid kon kuyon butá andeka butá ḷamentong? Degá inta pinomia moguman kon inta nomia kon inia, “Deemanbí iko in nomia kon inakó”. Andeka motaau degá in pakakat tatua moguman kon inia, “Iko in diábí mokopongonu”.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

MARKUS 14:21

Totuubí kon ki Adí Intau in matoibí ná inta ain pinais kon bonu in Buk Motusi. Táe moboditodon totok in intau inta moposarakan kon i Adí Intau tatua! Maníka bo diá kon dodai in onda in pinononggadí in sia!”

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

SURAT I PAULUS KON JAMAAT RUM 11:19

Táe ki utat in moguman degá nanaa, “Oo, táe tanga mita tatua in pinongkó sinbá akuoi in motaau popokompit kon pangkoinea!”

KORINTUS 1 15:12

Aka kami ain nopotaau kon i monimu kon ki Kristus ain biniag nongkon sigad in intau minatoi, yo nongonu sin oyúonpabí doman in kon sigad monimu in moguman kon diábí in kobiagan bui kon sigad in intau minatoi?

KORINTUS 1 15:35

Degá oyúon in moḻibó nanaa, “Naonda degá aka intau matoi biagondon bui? Awak degá naonda in ogoi kon i monia?”

YAKOBUS 1:13

Bo aka tobatú intau kinotungkulan, yo dikabí in sia mosingog nanaa, “Godaan tanaa nongkon i Allahbí,” sin ki Allah in diábí kogodaan in inta moraat, bo diábí doman in Sia mosoba kon tobatúmai intau.

YAKOBUS 2:18

Degá oyúon intau in moguman, “Oyúon intau in umandoḷ kon pirisayanea bo oyúon doman in umandoḷ kon oaidnea.” Dá akuoi in moguman, “Poontongka kon inakó in pirisaya takin diá in oaid bo poontongku kon inimu in oaidku saḷaku bungai kon akuoi in mopirisaya.”