SURAT I PAULUS KON JAMAAT RUM 8:26 - Alkitab Singog In Mongondow Masa In Tanaa

²⁶ Tongá Roho i Allah in mamangoibí motuḷung kon i naton aka kita in moyangkódon. Sin diábí kotaauan naton naonda in pososambayang naton. Rohobí tatua in mayá tumayow kon i Allah bo mopoigum kon bayongan inta inamuimai naton.

SURAT I PAULUS KON JAMAAT RUM 8:26 ပူးပေါင်းရင်းမြစ်များ

AYUB 37:19

Tundúpa in kami onu in musti poguman nami kon i Allah; diábí in motaau nami insilangan, raian nami naa in diá in bonunea.

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

MAZMUR 102:20

Ki Tuhan in nobobui nongkon tampat-Nea inta moḷantud, nongkon soroga iḷumongow in Sia kon butá

MAZMUR 102:5

Mokoḷung in akuoi naonda bo bonok noingkag, bo diádon in ibog mongaan.

MAZMUR 6:3

Kotabipa kaasí in akuoi o Tuhan, sin nodaitdon in ropotku, iyotonaidon in akuoi sin mororigadon totok in akuoi.

MAZMUR 6:9

Bayádon, ei intau mita moraat, sin ki Tuhan in nokidongogdon kon ombaḷku.

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

OMBAḶ 3:56

Totok in poigumonku kaasí dikapa momompon kon bongoḷan-Mu kon onu inta poigumonku sinbá Iko in motuḷung kon inakó. Dá sambayangku in inindongogan-Mudon, bo Iko in namangoi dinimiug; iko in noguman, ‘Dika moondok.’

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 10:20

Sin deeman bidon moiko in mosingog, táe Rohobí i Amámu in mosingog kon bonu in ginamu.

MATIUS 20:22

Táe ki Yesus in notubag kon i-Nia, “Diábí kinotaauan monimu, onu in inigum monimu. Degá mokosanggup in moiko in monginum kon palo in roriga inta musti inumon-Ku?” Dá mosia in notubag kon i-Nia, “Mokosanggup in kami”.

LUKAS 22:44

Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]

YOHANES 14:16

Poigumon-Kubí kon i Amá, bo ogoian-Neabí moiko in mototuḷung ibanea, inta umuran mogutun moyotakin monimu.

SURAT I PAULUS KON JAMAAT RUM 15:1

Kita inta ain totu-totuu moyakin kon onu inta pinirisaya naton, mustibí mosabar in mokodongog kon onu inta kinodoí in intau inta diápa totok in moyakin. Donaaibí in kita tongá moposanang in gina naton tontaní.

SURAT I PAULUS KON JAMAAT RUM 7:24

Yo, nanaadon in kaadaanku: akuoi in dinumudui kon hukum i Allah takin ginaku motuḻid, táe tabiat in intau ilo-ilow naa, dá akuoi kinawasa in dosa. Mobodito totok akuoi naa! Ki ine in moibog moposaḷamat kon inakó? Sukurdon totok kon i Allah! Sin Sia in noibog noposaḷamat kon inakó pinongin i Yesus Kristus.

SURAT I PAULUS KON JAMAAT RUM 8:15

Sin Roho, inta inogoi i Allah kon i monimu, diábí mopobaḻí kon i monimu ata, sahingga moiko in mobiagdon kon bonu in porasaan moondok. Táe Roho i Allah in mopobaḻíbí kon i monimu ki adí mita i Allah. Bo takin kawasa in Roho tatua kita komintan in monangoi kon i Allah, “Amá, o Amáku!”

KORINTUS 2 5:2

Kon wakutu in kon baḷoipa tatua, kita in umuranbí mogamui sin moibogdon totok mogutun kon baḷoi naton inta kon soroga.

KORINTUS 2 5:4

Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

GALATIA 4:6

Moiko nion in ki adí mita i Allah, dá pinotabá-Neadon in Roho i Adí-Nea mamangoi kon i naton inta tantú mokuani; Amá, o Amáku.

EPESUS 2:18

Pinotonsigad kon i Kristus, kita komintan, intau Yahudi andeka deeman intau in Yahudi, takin totuḷung in Roho i Allah inta tobatú tua, kita in motaau dimiug kon i Amá.

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

IBRANI 5:2

Tongá mobayongpabí in kalemahan in imang moḷoben tatua, manangka intua sia in musti mokopoaḷus kon potosingog kon i monia inta diá monotaau kon onu bo onu bo kon i monia inta ain noitaḷá kon daḷan.

YAKOBUS 4:3

Bo umpaka ain noigum in moiko, táe diábí doman mokouḻí in moiko, sin noitaḷá in tujuan pinoigumanmu; sin onu inta inigum monimu tua in tongábí kasanangan monimu tontaní.