SURAT I PAULUS KON JAMAAT RUM 8:22 - Alkitab Singog In Mongondow Masa In Tanaa

²² Kinotaauanbí naton kon umaaipabí in tanaa bayongan in mahaḷuk modaitpabí mogamui kon roriga, naonda bo roriga in bobay kon tungkuḷ in mononggadí.

SURAT I PAULUS KON JAMAAT RUM 8:22 ပူးပေါင်းရင်းမြစ်များ

MAZMUR 48:6

Táe mokoontong kon tombuḷud tatua, noitongau in mosia; nodoḻiok in mosia bo noḷagui notoboḻingo.

YEREMIA 12:11

Oo, Akuoi nokoontong kon i monia nomaḻí kon ḻipú-Ku nobaḻí tampat moingongow inta mokonakit kon gina. Komintan pinomayá mako, diá in noindoimai.

YEREMIA 12:4

Modapot in toonupa in butá tanaa in moingkag, bo moingkag in bonoknea kon batúan in gobá? Ḷagapan bo mahaḷuk ibanea matoi popisí in aid moraat in bangusa nami. Mosia in mosingog kon akuoi in diábí mokoontong kon ukur monia.”

MARKUS 16:15

Guman i Yesus kon i monia, “Bayádon in bayongan dunia naa bo potaaudon in Habar Mopia nongkon i Allah kon bayongan intau.

YOHANES 16:21

Aka bobay inta motoyongdon mononggadí, mosusa in ginanea, sin wakutuneadon mokorasa kon roriga. Táe naonda in ki adínea moilahirdon, koḻiongan bidon in bobay tatua in yoyiganea sin lantaran pia in ginanea sin adí tatua noilahirdon kon dunia.

SURAT I PAULUS KON JAMAAT RUM 8:20

Sin bayongan in mahaḷuk pinomayádon mako mogoguyaat, deemanbí popisí in ibognea tontaní, táe popisíbí in pinomayádon mako i Allah natua. Umpaka natua táe oyúonbí in harapan tanaa:

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

WAHYU 12:2

Bobay tatua in sidia, bo lantaran in wakutuneadon mononggadí dá mogamui in sia sin pomangitondon bo monakit domandon.