SURAT I PAULUS KON JAMAAT RUM 8:15 - Alkitab Singog In Mongondow Masa In Tanaa

¹⁵ Sin Roho, inta inogoi i Allah kon i monimu, diábí mopobaḻí kon i monimu ata, sahingga moiko in mobiagdon kon bonu in porasaan moondok. Táe Roho i Allah in mopobaḻíbí kon i monimu ki adí mita i Allah. Bo takin kawasa in Roho tatua kita komintan in monangoi kon i Allah, “Amá, o Amáku!”

SURAT I PAULUS KON JAMAAT RUM 8:15 ပူးပေါင်းရင်းမြစ်များ

IḶUAIAN 20:19

Guman monia kon i Musa, “Ikodon tontaní in moguman kon inami, kami in mokidongogbí; táe donaaidon ki Allah in moguman kon inami, sin matoi in kami.”

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YEREMIA 3:19

Ki Tuhan in noguman, “Israel, Akuoi in moibog motarima kon inimu mobaḻí ki adí-Ku, bo mobogoi kon inimu in butá inta mokosanang, butá inta totuu mopia kon sinangkub in dunia. Ibogon-Ku iko in monangoi kon i-Nakó ki Amá, bo diádon moḷagui bui kon i-Nakó.

PINOGIAPAN 17:12

Bo intau Israel noguman kon i Musa, “Aka natua, mosilaka in kami! Mobodito in kami!

MATIUS 25:25

Tuamai akuoi in moondok dá doit buḷawan toribu inta inogoi i tuang kon inakó binayáku iḷobong kon butá! Bo naa, pobuionkudon bui in kapunyaan i Tuang.’

MARKUS 14:36

Kai-Nia, “Amá, o Amá, diábí in diá motaau aidan i Amá. Poyayúdon in roriga tanaa kon i-Nakó. Táe deemanbí ibog-Ku in duduian, aidaibí in onu inta koibog i Amá.”

LUKAS 11:2

Dá kai Yesus doman, “Aka moiko bo mosambayang yo singogdon nanaa, ‘Amá, Tongábí Iko in ki Allah. Poigumon mako Iko in sumbaan bo horomaton. Ikobí in Datu nami. Poigumon mako Iko momarenta kon dunia.

LUKAS 22:42

Nanaa in sambayang-Nea, “Amá, aka motaau, yo poyayúdon kon i-Nakó in roriga tanaa inta musti kobayáan-Ku. Táe deemanbí podudui in ibog-Ku, poduduibí kon ibog i Amá tontaní.” [

LUKAS 8:28

Naonda in sia nokoontong kon i Yesus, kinumarak in sia bo sinumungkud kon tayowonmai i Yesus bo nomaḷú, “Ei Yesus, ki Adí i Allah inta Totok in Moḷantud! Onuon i Tuhan in akuoi naa? Poigumonku totok kon i Tuhan, dika rorigaan in akuoi!”

LUKAS 8:37

Sahingga intau mita inta kon ḻipú in Gerasa tua nopoigum kon i Yesus, sinbá taḷaan-Nea in mosia sin moondokdon totok in mosia. Dá ki Yesus sinumakoidon bui kon uangga bo nonaḷámai kon i monia.

YOHANES 16:8

Aka Sia in mamangoi yo poniata-Neabí kon dunia naa in mangaḻe totok in dosa, nongkon onu inta totuu, bo nongkon hukuman i Allah.

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

OUMAN IN RASUL MITA 16:29

Itoi in ponjara tatua noigum kon togá bo binayánea sinuaian bonu in ponjara tatua. Urot mako in sia bo noitungkud kon tayowonmai i Paulus bo i Silas.

OUMAN IN RASUL MITA 2:37

Naonda in mosia nokodongog kon singog i Petrus tatua noḻiai in gina monia. Bo noḻibó in mosia kon i Petrus bo kon rasul mita ibanea, “Utat mita onu degá in musti pomiaan nami?”

SURAT I PAULUS KON JAMAAT RUM 8:16

Roho i Allah tatua in noyotakin in roho naton in moguman kon kita naa in ki adí mita i Allah.

SURAT I PAULUS KON JAMAAT RUM 8:23

Bo deemanbí tongá mosia in mogamui; táe kitabí doman inta ain notarima kon Roho i Allah. Tua in oogoi i Allah inta muna, tongá kita in umuranpabí doman mogoḷat mako kon i Allah mopoḷuat kon bayongan in awak naton bo baḻíon-Nea in kita ki adí-Nea mita.

SURAT I PAULUS KON JAMAAT RUM 8:26

Tongá Roho i Allah in mamangoibí motuḷung kon i naton aka kita in moyangkódon. Sin diábí kotaauan naton naonda in pososambayang naton. Rohobí tatua in mayá tumayow kon i Allah bo mopoigum kon bayongan inta inamuimai naton.

SURAT I PAULUS KON JAMAAT RUM 9:4

Mosia tua in intau inta piniḻí bo binaḻí-Neadon ki adí-Nea mita tontaní. Sia in noponiatadon in kawasa-Nea kon i monia. Sia in nomia kon dodandian takin i monia bo nobogoi in hukum in agama. Pinoguman domandon i Allah kon i monia in soaḷ pooibada bo mosia in notarima domandon kon dandi mita i Allah.

KORINTUS 1 2:12

Kita in diábí inogoian roho inta nongkon dunia naa, táe Rohobí inta nongkon i Allah, sinbá kotaauan naton in bayongan inta pinonotabi i Allah kon i naton.

KORINTUS 2 11:4

Sin tarukiraankumai moiko in tongábí kibio-biómai aka oyúon in intau mamangoi bo mopotaau in habar soaḷ ki Yesus, táe ki Yesusbí tolaeng, deemanbí ki Yesus inta ain pinotaau muna nami kon i monimu. Bo tarimaan doman monimu in roho bo “habar mopia” inta totu-totuubí kon diá notongkai in Roho i Allah bo Habar Mopia inta ain muna sinarima monimu nongkon i nami.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

GALATIA 5:1

Tanaa kita totu-totuudon nobebas, sin ki Kristus tontaní in nopobebas kon i naton! Tuamai tantúdon ḷukadai in kabebasanmu, bo donaai in moibog bui tonggataan.

EPESUS 1:5

dá sinantú-Neadon muna, kon pongin i Yesus Kristus, baḻíon-Neadon ki adí-Nea tontaní in kita. Bo tuabí in kinoibog-Nea aidan.

TIMOTIUS 2 1:7

Sin Roho inta inogoi i Allah kon i naton in deemanbí bá moondok in kita, táe Rohobí inta mobogoi in ropot bo mopuḻing in tabi bo mokotahang kon gina in kita.

IBRANI 2:15

Tua in cara-Nea moposaḷamat kon intau mita inta umuran kinawasaan in ondok kon soaḷ popatoi.

YAKOBUS 2:19

Tantú moiko in mopirisayabí kon ki Allah in tongábí tobatú toh? Bá kotaauan monimu kon dimukud mita moraat in mopirisayabí doman kon tua bo uyotbí doman mako in mosia sin moondok!

YOHANES 1 4:18

Intau inta nobiag kon bonu in totabi i Allah, diábí angoian ondok, sin tabi inta mosompurna in monginggamádon kon bayongan ondok. Dá kotaauan bidon, aka intau bo moondokpa in tumayow kon Singgai Ponantúan yo intau tatua in diápa notarima kon tabi inta nosompurna nongkon i Allah.