SURAT I PAULUS KON JAMAAT RUM 8:14 - Alkitab Singog In Mongondow Masa In Tanaa

¹⁴ Intau mita inta kinawasa in Roho i Allah, mosia tua in ki adí mita i Allah.

SURAT I PAULUS KON JAMAAT RUM 8:14 ပူးပေါင်းရင်းမြစ်များ

MAZMUR 143:10

Tundúdon in akuoi mogaid kon onu in kinoibog-Mu, sin Ikobí in ki Allahku. Iko in mopia in gina, bo modia kon inakó mayá mongindaḷan notondodai.

AMSAL 8:20

Akuoi in dinumudui kon daḷan inta moadil, bo akuoi in nongin daḷan inta moitutui.

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

MATIUS 5:9

Pia in kamang in intau inta moibog in dodamean; sin mosia tua in tangoion ki adí mita i Allah!

YOHANES 1:12

Tongá oyúon doman in notarima kon i-Nia bo nopirisaya kon i-Nia; mosia tua in inogoian hak mobaḻí ki adí i Allah,

SURAT I PAULUS KON JAMAAT RUM 8:19

Bayongan in mahaḷuk mogoḷat bo moibogdon totok mokoontong kon wakutu i Allah moponiata kon i adí-Nea mita.

SURAT I PAULUS KON JAMAAT RUM 8:5

Intau mita inta nobiag podudui in tabiat intau, umuran morai kon onu inta kinoibog in awak naa. Táe intau mita inta nobiag podudui ibog in Roho i Allah, umuran morai kon onu inta kinoibog in Roho i Allah.

SURAT I PAULUS KON JAMAAT RUM 8:9

Táe moiko in diábí nobiag podudui in ibog in awak naa, moiko in nobiagbí podudui in ibog in Roho i Allah, aka totuu Rohodon i Allah in nongawasa kon i monimu. Táe aka kon intau tatua bo diá in Roho i Kristus, yo sia tua in deemanbí kapunyaan i Kristus.

SURAT I PAULUS KON JAMAAT RUM 9:26

Bo kon tampat inta pinonangoian kon intau, ‘Moiko in deeman umat-Ku,’ kon tampat tatuata intau mita in tangoiondon ki adí mita i Allah inta nobiag.”

SURAT I PAULUS KON JAMAAT RUM 9:8

Tua in mangaḻenea, kon buí i Abraham inta nobaḻí adí mita i Allah in tongábí inta noilahir sin podudui in dandi i Allah; deemanbí bayongan buínea.

KORINTUS 2 6:18

Akuoi in mobaḻíbí ki Amá monimu, bo moiko in mobaḻíbí ki adí-Ku mita, natua in singog i Tuhan Inta totok in Mokawasa.”

GALATIA 3:26

Moiko bo ain nopirisaya kon i Yesus Kristus, dá moiko ain notobatú takin-Nea; sahingga in moiko nobaḻídon ki adí mita i Allah.

GALATIA 4:5

Sia naa in pinotabá sin mobogoi in kabebasan kon intau mita inta umuranpa nobiag kon bonu in kawasa in hukum i Musa; sinbá kita in mobaḻí ki adí mita i Allah.

GALATIA 4:6

Moiko nion in ki adí mita i Allah, dá pinotabá-Neadon in Roho i Adí-Nea mamangoi kon i naton inta tantú mokuani; Amá, o Amáku.

GALATIA 5:16

Nanaabí in makusudku: Kobiagdon in moiko podudui kon ibog in Roho i Allah, donaaibí moibog mobiag podudui ibog in intau.

GALATIA 5:18

Táe aka moiko bo moibog kapiton in Roho i Allah, yo moiko in diá bidon mobiag kon bonu in kawasa in hukum i Musa.

EPESUS 1:5

dá sinantú-Neadon muna, kon pongin i Yesus Kristus, baḻíon-Neadon ki adí-Nea tontaní in kita. Bo tuabí in kinoibog-Nea aidan.

EPESUS 5:9

Sin nongkon bayag tuata momuká in bayongan oaid inta mopia, motuḻid bo mobiag totu-totuu kon tayowon i Allah.

YOHANES 1 3:1

Indoiaika dá ki Allah totokbí in motabi kon i naton, sahingga ináku-Neadon in kita saḷaku ki adí-Nea mita. Bo totuu kon kita naa in ki adíbí mita i Allah. Tuamai dunia inta moraat naa in diá nonotaau kon i naton, lantaran dunia diá nonotaau kon i Allah.

YOHANES 1 3:24

Bayongan in intau inta motoindudui kon parenta mita i Allah, nobiag notobatú takin i Allah, bo ki Allah in notobatú doman takin i monia. Bo kinotaauan bidon naton kon ki Allah in nobiag bidon notobatú takin i naton, sin Sia in nobogoidon in Roho-Nea kon i naton.

WAHYU 21:7

Intau mita inta mountung, mokouḻí kon soaḷ mita natua nongkon i-Nakó, bo Akuoi in mobaḻí ki Allahnea, bo sia in mobaḻí ki adí-Ku.