SURAT I PAULUS KON JAMAAT RUM 7:18 - Alkitab Singog In Mongondow Masa In Tanaa

¹⁸ Kinotaauanku bidon, kon bonu in awakku naa, diábí in tobatúmai in mopia, tuabí in tabiat saḷaku intau ilo-ilow. Sin oyúonbí in ibog kon inakó in mogaid kon inta mopia táe diá mokosanggup in akuoi in mogaid kon natua.

SURAT I PAULUS KON JAMAAT RUM 7:18 ပူးပေါင်းရင်းမြစ်များ

KINOBAḺIAN 6:5

Inontong i Tuhan kon totokdon moraat in intau mita kon dunia naa; bayongan in raian monia umurandon moraat.

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

AYUB 14:4

Motaau degá in intau baradosa mokopoangoi kon inta motompod?

AYUB 25:4

Degá intau motusi kon mata i Allah? Degá nodarit kon tayowon-Nea?

MAZMUR 119:173

Igumon mako Iko in umuran moibog motuḷung kon inakó, sin sinantúkudon kon dumudui kon atorang-Mu.

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

MAZMUR 119:32

Takin pia in gina dumudui in akuoi kon parenta-Mu, sin binaḻí-Mu in akuoi totok in momangaḻe.

MAZMUR 119:40

Ogoiaidon in akuoi in kobiagan mobagu, sin Iko in moadil, totokbí in ibogonku in tumoḷutui kon atorang-Mu mita.

MAZMUR 119:5

Igumon mako akuoi takin gina moroton dumudui kon atorang-Mu mita.

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

LUKAS 11:13

Dá aka moiko inta moraat bo motaau mobogoi kon inta mopia kon i adímu mita, yo bambíkabí ki Amámu inta kon soroga! Sia in mobogoibí in Roho-Nea kon i monia inta umuran moigum kon i-Nia!”

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

SURAT I PAULUS KON JAMAAT RUM 7:15

Sin diá doman komangaḻeanku in oaidku tontaní. Soaḷ mita inta kinoibogku aidan, diábí inaidanku, táe soaḷ mita inta kinodoíku yo tuabí in aidanku.

SURAT I PAULUS KON JAMAAT RUM 7:19

Akuoi in diábí momia kon inta mopia inta kino ibogku aidan; táe soaḷbí mita inta moraat inta sabanarnea kinodoíkubí tuabí in aidanku.

SURAT I PAULUS KON JAMAAT RUM 7:5

Sin koḻipod kita in nobiag podudui ibog in awak naa. Kon wakutu intua ibog mita inta mokobaradosa in nomuká sin oyúon in hukum agama, bo tua in nokadai kon inaton. Manangka intua kita in mogaid kon soaḷ mita inta mokopopisí kon kopatoian.

GALATIA 5:17

Sin onu inta kinoibog in intau noyoposibí in kinoibog i Allah, andeka nanaa, inta kinoibog i Allah in noyoposibí inta kinoibog in intau naa, tuamai in moiko diá motaau in mogaid kon onu inta koibog monimu.

GALATIA 5:24

Ki ine inta ain nobaḻí kapunyaan i Kristus Yesus, yo mosia tua ain doman noḷumbú kon tabiat in intau bo bayongan ibog in dunia naa.

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

PILIPI 3:12

Akuoi in diábí moguman kon nosompurnadon in akuoi. Táe umuranbí batukonku in tombuinag inta sinadia i Yesus Kristus. Sin tuabí in mangaḻe pinodomokan-Nea kon inakó bo binaḻí-Neadon in akuoi kapunyaan-Nea.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.