SURAT I PAULUS KON JAMAAT RUM 5:20 - Alkitab Singog In Mongondow Masa In Tanaa

²⁰ Naonda in oyúon in hukum i Musa, dá kodugang-kodugang domandon in taḷá. Táe naonda in koḷoben-koḷoben in dosa, yo tabi i Allah in kodugang-kodugang domandon in ḷobennea kon i monia.

SURAT I PAULUS KON JAMAAT RUM 5:20 ပူးပေါင်းရင်းမြစ်များ

MAZMUR 25:11

Tuhan, ampungaidon in akuoi podudui in dandi-Mu, sin moḷobendon in taḷáku.

YESAYA 1:18

Ki Tuhan in noguman, “Igai toḻisíon naton in pelekara tanaa. Umpaka moiko mopura bayan popisí in dosamu mita, yo moiko in daritan-Kubí modapot in mobudó naonda bo kapot. Umpaka dosamu mita mobarong bo mobogat, moiko in ampungan-Kubí komintan.

PINOGIAPAN 21:9

Dá pinomiadon i Musa in uḷag tobatú nongkon tambaga bo inukatnea kon tudu in oigi tobatú. Bayongan in intau inta sinobak in uḷag tatua, in mopia aka imindoi kon uḷag tambaga tatua.

MATIUS 20:9

Bo namangoidon in mosia inta nogaid degá mulai jam ḻimamai ḷoḷabungnea, pomuḷoi intau inuboḻian in todinar.

MATIUS 9:13

Manangka intua, bayádon bo balajarpa bui mangaḻe in Pirman tanaa, ‘Koibog-Ku in totabianbí, deemanbí onu inta ogoi monimu’. Sin Akuoi namangoi deemanbí mogoiní kon intau noitutui, táe intaubí baradosa.”

LUKAS 7:47

Poguman-Kudon kon inimu, tabinea inta moḷoben tatua noponiata kon taḷánea inta noantó aindon inampungan! Intau inta tongá inampungan topiḻik in taḷánea, tabinea in tongá doman topiḻik.”

YOHANES 10:10

Mononakow tua in tongábí mamangoi monakow, moḻimod bo momoguyaat. Táe Akuoi in mamangoibí sinbá mosia in mokouḻí kon kobiagan, kobiagan inta mobayong totok in kasanangan.

YOHANES 15:22

Aka kuma bo Akuoi in diá namangoi bo diá doman nopotaau intua komintan kon i monia, dá diábí in mosia baradosaan. Táe aka tanaa, yo diá bidon in baḻíon monia dodoyonan moguman kon diá dosaan in mosia.

SURAT I PAULUS KON JAMAAT RUM 4:15

Hukum agama in Yahudi naa in mokopoangoi kon hukuman i Allah. Táe aka diá in hukum tatua, yo diábí doman in moḷawang.

SURAT I PAULUS KON JAMAAT RUM 6:1

Aka natua, onu in motaau singogon naton? Mustipa doman degá mogaid kon dosa in kita sinbá modugang in tabi i Allah kon i naton?

SURAT I PAULUS KON JAMAAT RUM 6:14

Dosa in diá bidon mongawasa kon i monimu, sin moiko in diádon nobiag kon bonu in kawasa in hukum agama in Yahudi, táe kon bonu bidon kawasa in totabi Allah.