SURAT I PAULUS KON JAMAAT RUM 5:18 - Alkitab Singog In Mongondow Masa In Tanaa

¹⁸ Tuamai, ná doman taḷá in intau tobatú nokopopisí kon bayongan intau i hukum, yo natua doman aid in intau tobatú inta motoindudui kon i Allah; nokopobaḻí kon bayongan in intau pinilatandon nongkon taḷá monia bo inogoiandon in kobiagan.

SURAT I PAULUS KON JAMAAT RUM 5:18 ပူးပေါင်းရင်းမြစ်များ

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YOHANES 1:7

Sia in namangoi nopotaau kon soaḷ bayag tatua, sinbá mopirisayadon in bayongan intau.

YOHANES 12:32

Táe Akuoi naa, aka Akuoi aindon poḷantudon kon dunia naa, yo daiton-Kudon diaan in intau inta mamangoi kon i-Nakó.”

YOHANES 3:26

Mosia minayá kon i Yohanes bo noguman, “Pak guru, kinotoropanpa degá i Pak guru in intau inta noyotakin i Pak guru kon ḷoḷanmai in Ongkag in Yordan tua, inta sinundú i Pak guru wakutu intua? Sia nobaptis doman in tanaa mako bo komintan intau mayá kon i-Nia!”

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

SURAT I PAULUS KON JAMAAT RUM 4:25

Ki Yesus tua in pinosarakandon kon intau mita sin ḻimodon sin potobut kon bayongan dosa naton. Tongá Sia in biniagdon bui i Allah sinbá kita in buidon moyodame takin i Allah.

SURAT I PAULUS KON JAMAAT RUM 5:12

Dosa in sinumuot kon dunia naa nongin intau tobatú, bo nongkon dosa tatua nomuká domandon in popatoi. Akibatnea popatoi tatua in nongawasadon kon bayongan intau, sin bayongan intau in nogaid domandon kon dosa.

SURAT I PAULUS KON JAMAAT RUM 5:15

Tongá diábí notongkai in taya dua; sin totabibí i Allah in moḷobe-ḷoben aka poyobandingonmai in taḷá inta pinomia i Adam. Sin taḷá in intau tobatú in nokopopisí kon nobayong in intau minatoi. Táe moḷobe-ḷobenbí doman kon tua in bungai in totabi i Allah bo tombuinag in kasaḷamatan inta inogoi-Nea kon modamaḷ in intau, inta pinongin kopopia in gina in tobatú intau, tuata in ki Kristus.

SURAT I PAULUS KON JAMAAT RUM 5:19

Dá notongkai doman in naa, bayongan intau in nobaḻí binaradosa popisí in intau tobatú inta diá motoindudui. Ná doman tua in mobayong intau inogoian in kasampatan moyodame bui takin i Allah popisí in intau tobatú inta motoindudui kon i Allah.

SURAT I PAULUS KON JAMAAT RUM 6:14

Dosa in diá bidon mongawasa kon i monimu, sin moiko in diádon nobiag kon bonu in kawasa in hukum agama in Yahudi, táe kon bonu bidon kawasa in totabi Allah.

KORINTUS 1 15:22

Sin ná doman bayongan in intau minatoi sin notobatúdon takin i Adam, dá natua doman in bayongan intau biagon bui sin ain notobatú takin i Kristus.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.