SURAT I PAULUS KON JAMAAT RUM 5:14 - Alkitab Singog In Mongondow Masa In Tanaa

¹⁴ Táe umpaka natua popatoi in nongawasa bidon kon bayongan intau nongkon sempo i Adam dapot kon sempo i Musa. Umpakabí intau mita diá nogaid kon taḷá ná inta inaidan i Adam, táe mosia in noitakin bidon kinawasa in popatoi. Ki Adam tua in gambaranbí i-Nia inta moiangoi kon singgai moiduduimai.

SURAT I PAULUS KON JAMAAT RUM 5:14 ပူးပေါင်းရင်းမြစ်များ

KINOBAḺIAN 19:25

Kotá doyowa tatua pinokak, ná doman tua in bayongan ḷopá bo bayongan mobobiag takin bayongan intau inta nogutun kon tua.

KINOBAḺIAN 4:8

Bo ki Kain in noguman kon i Habel, ki ai-ainea tua, “Koḻigai kita mayá in gobá.” Naonda in mosia kon tua, ki Kain in nomongkug bo poḷat noḻimod kon i Habel inta ki ai-ainea tontaní tua.

IḶUAIAN 1:22

Dá ki datu in nomarenta nanaa kon bayongan in rayatnea, “Bayongan adí ḷoḷaki intau Ibrani inta bagu pinononggadí musti pogonag kon Ongkag in Nil, táe bayongan adí monia bobay pomayádon mako in mobiag.”

IḶUAIAN 1:6

Degá tongonumai notaong noiduduimai kon tua ki Yusup bo ki utatnea mita in minatoidon, ná doman tua intau mita inta topobiagnea.

HOSEA 6:7

Táe naonda bo kon Adam, moiko in nonaḷámai kon dodandianmu takin-Ku.

YUNUS 4:11

Yo umpaka dá diá moajar in ginaku in moraimai kon Niniwe, kotá inta moḷoben tatua. Sin koḻikud in mahaḷuknea mita inta diádon koiapan tua, kon tua in oyúon doman in noiḻiu kon mogatut bo doyowa nopuḷú noribu in adí inta diápa motaau mopoyoposi kon onu inta mopia bo onu inta moraat.”

SURAT I PAULUS KON JAMAAT RUM 5:12

Dosa in sinumuot kon dunia naa nongin intau tobatú, bo nongkon dosa tatua nomuká domandon in popatoi. Akibatnea popatoi tatua in nongawasadon kon bayongan intau, sin bayongan intau in nogaid domandon kon dosa.

SURAT I PAULUS KON JAMAAT RUM 5:17

Popisí in taḷá in intau tobatú dá bayongan in intau kinawasa domandon in popatoi inta nongin intau tobatú tua. Táe moiḻiubí domandon nongkon tua in akibat nongkon onu inaidan in intau tobatú ibanea, tuata in ki Kristus. Pinongin i-Nia tua, ki Allah in nobogoi in totabi-Nea inta totok in moḷoben kon intau mobayong, bo tongábí pinonotabi-Nea kon i monia, sahingga in mosia in noyodamedon bui takin i Allah; mosia in mongawasa kon dunia naa pinongin i Kristus.

SURAT I PAULUS KON JAMAAT RUM 5:21

Kita naa in mustibí matoi popisí in nogaid domandon kon dosa. Táe ki Allah in notabibí kon i naton bo nobogoi in daḷan kon i naton kon moyodame bui takin-Nea. Bo popisí in hubungan naton takin i Allah notompiadon bui, dá Sia in nobogoi domandon in kobiagan moitutui bo inta mononoi kon i naton inta pinongin i Yesus Kristus, ki Tuhan naton.

SURAT I PAULUS KON JAMAAT RUM 8:20

Sin bayongan in mahaḷuk pinomayádon mako mogoguyaat, deemanbí popisí in ibognea tontaní, táe popisíbí in pinomayádon mako i Allah natua. Umpaka natua táe oyúonbí in harapan tanaa:

SURAT I PAULUS KON JAMAAT RUM 8:22

Kinotaauanbí naton kon umaaipabí in tanaa bayongan in mahaḷuk modaitpabí mogamui kon roriga, naonda bo roriga in bobay kon tungkuḷ in mononggadí.

KORINTUS 1 15:22

Sin ná doman bayongan in intau minatoi sin notobatúdon takin i Adam, dá natua doman in bayongan intau biagon bui sin ain notobatú takin i Kristus.

KORINTUS 1 15:45

Kon bonu in Buk Motusi oyúon in pinais nanaa, “Intau inta muna-munamai in ki Adam, sia in nobaḻí mahaḷuk inta nobiag,” táe ki Adam inta tumi in Rohobí inta nobogoi in kobiagan.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.