SURAT I PAULUS KON JAMAAT RUM 3:24 - Alkitab Singog In Mongondow Masa In Tanaa

²⁴ Tongábí popisí in totabi i Allah inta pinomorosen-Nea, dá hubungan in intau bo i Allah in motompiadon bui; caranea kon tua intau pinobebasdon i Kristus Yesus.

SURAT I PAULUS KON JAMAAT RUM 3:24 ပူးပေါင်းရင်းမြစ်များ

MAZMUR 130:7

Pongamangdon kon i Tuhan, ei umat-Nea, sin Sia in umuranbí motabi, bo umuranbí nosadia moposaḷamat.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

OUMAN IN RASUL MITA 15:11

Kita komintan in nonotaau bo nopirisaya bidon kon kita in posaḷamaton pinodoyonbí kon tabi i Tuhan Yesus; ná doman tua in mosia.”

SURAT I PAULUS KON JAMAAT RUM 4:16

Dandi i Allah tatua in pinodoyonbí kon pirisaya in intau tatua kon i Allah. Tua in nobaḻí tobatú jaminan kon bayongan buí i Abraham, kon dandi tatua in inogoi kon i monia saḷaku tobatú oogoi inta pinonotabi i Allah, deemanbí tongá kon i monia inta motoindudui kon hukum in agama Yahudi, táe kon i moniabí doman inta mopirisaya kon i Allah. Ná ki Abraham inta totok in mopirisaya kon i-Nia. Ki Abraham tua in ki amábí naton komintan inta mopirisaya.

SURAT I PAULUS KON JAMAAT RUM 4:4

Intau inta mogaid in motarimabí kon boḻi in pinogaidannea bo tua in diábí inanggap saḷaku pinomorosen sin hakneabí intua.

SURAT I PAULUS KON JAMAAT RUM 5:9

Masa in naa kita in noyodamedon bui takin i Allah inta pinongin kinopatoian i Kristus; manangka intua nopastibí kon posaḷamatonbí i Kristus in kita nongkon hukuman i Allah.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

KOLOSE 1:14

Ki Adí-Nea tatua inta nopobebas kon i naton, mangaḻenea bayongan dosa naton ain inampungan-Nea.

TIMOTIUS 1 2:6

Sia in tobatú intau inta ain noposarakan in awak-Nea sin pinotobut kon dosa mita in bayongan intau. Tua in moponiata kon wakutu inta ain sinantú i Allah, ibogon-Nea in bayongan intau in posaḷamaton.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.