SURAT I PAULUS KON JAMAAT RUM 3:20 - Alkitab Singog In Mongondow Masa In Tanaa

²⁰ Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.

SURAT I PAULUS KON JAMAAT RUM 3:20 ပူးပေါင်းရင်းမြစ်များ

AYUB 15:15

Nodapot in malaekat diábí doman pirisayaan i Allah; mosia in diábí motusi kon mata-Nea.

MAZMUR 130:3

Aka umuran toropon-Mu in dosa nami, o Tuhan, ki inebí in mokotongod?

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

SURAT I PAULUS KON JAMAAT RUM 2:13

Sin hubungan in intau takin i Allah in moyoguḻit bui, deemanbí popisí in intau tatua nonotaaudon kon hukum agama in Yahudi, táe popisíbí in sia nogaidon kon onu inta pinais kon bonu in hukum tatua.

SURAT I PAULUS KON JAMAAT RUM 3:28

Sin nanaabí in simpod in singog: Intau in sinangoian noyopiadon bui i Allah, deemanbí popisí in nogaid kon onu inta pinais kon hukum in agama Yahudi, táe popisíbí in pirisayanea kon i Yesus Kristus.

SURAT I PAULUS KON JAMAAT RUM 4:13

Ki Allah ain nodandi kon i Abraham bo buínea kon dunia naa in mobaḻíbí kapunyaan i Abraham. Dandi tatua in deemanbí pinodoyon kon kotoindudui i Abraham kon hukum in agama Yahudi, táe popisíbí in sia mopirisaya kon i Allah, dá sinarima i Allah in sia saḷaku intau inta mokosanang kon gina-Nea.

SURAT I PAULUS KON JAMAAT RUM 4:15

Hukum agama in Yahudi naa in mokopoangoi kon hukuman i Allah. Táe aka diá in hukum tatua, yo diábí doman in moḷawang.

SURAT I PAULUS KON JAMAAT RUM 5:13

Sin wakutu in hukum in agama Yahudi naa diápa, dosa in koyongan bidon oyúon kon dunia naa. Táe diápabí irekengmai sin diápa in hukum i Musa.

SURAT I PAULUS KON JAMAAT RUM 5:20

Naonda in oyúon in hukum i Musa, dá kodugang-kodugang domandon in taḷá. Táe naonda in koḷoben-koḷoben in dosa, yo tabi i Allah in kodugang-kodugang domandon in ḷobennea kon i monia.

SURAT I PAULUS KON JAMAAT RUM 7:11

Sin popisí in hukum agama tatua, dá dosa in nokouḻídon kon kasampatan monguboḷ bo moḻimod kon inakó.

SURAT I PAULUS KON JAMAAT RUM 9:32

Nongonu sin diá mokodapot in mosia? Soaḷnea moramuji in mosia, táe diá pinodoyon monia kon pirisaya kon i Allah, tongábí pinodoyon monia kon oaid monia tontaní. Dá mosia in noḷabú kon “Batu inta Kopopintudan.”

KORINTUS 1 15:56

Bisa in popatoi tuata in dosa, bo dosa nopobayá in oaidannea mongin hukum in agama.

GALATIA 2:16

Umpaka natua yo kinotaauanbí nami kon diábí in tobatúmai intau in posaḷamaton i Allah sin dinumudui kon hukum i Musa. Táe intau posaḷamatonbí sin pirisaya kon i Yesus Kristus. Tuamai kami tontaní in nopirisayadon kon i Yesus Kristus, sinbá kami in posaḷamaton doman, deemanbí posaḷamaton sin dinumudui kon onu inta kon hukum i Musa.

GALATIA 2:19

Sin akuoi ain minatoi kon hukum in Musa tatua – sin kopontingan in hukum tatua – sinbá akuoi in mobiagdon motoindudui kon i Allah. Akuoi aindon pinopopakú kon kayu pinoyotaḻempang takin i Kristus.

GALATIA 5:4

Aka moiko bo moramuji dumudui kon hukum i Musa sinbá posaḷamaton, yo tua in mangaḻenea hubungan monimu takin i Kristus in nobontowdon. Bo aka natua yo moiko in nobiag bidon kon ḷuai in totabi i Allah.

IBRANI 7:19

Sin diábí tobatúmai in motaau sompurnaan in hukum agama Yahudi tua. Tuamai tanaa kita in inogoiandon in harapan inta totuu mopira; sahingga in kita motaaudon dimiug kon i Allah.