SURAT I PAULUS KON JAMAAT RUM 2:9 - Alkitab Singog In Mongondow Masa In Tanaa

⁹ Intau inta moibog mogaid kon inta moraat in mosikisa bo moyoyiga, muna-munamai intau in Yahudi bo moiduduimai in bangusa doman ibanea.

SURAT I PAULUS KON JAMAAT RUM 2:9 ပူးပေါင်းရင်းမြစ်များ

TAWARIKH 2 6:23

o Tuhan, indongogaipa kaasí nongkon soroga bo momaḷut kon pelekara mita in bobantung-Mu mita tanaa. Hukumdon in inta kotaḷá bo poḷuatdon in inta diá kotaḷá.

MAZMUR 32:10

Intau binaradosa kinoantugan in roriga mobayong; táe intau inta nongamang kon i Tuhan umuranbí iḷukadan in tabi-Nea.

AMSAL 11:23

Onu in koibog in intau mopia umuranbí mokopoangoi kon inta mopia, táe inta motaau harapon mako in intau moraat in tongábí tumorú.

YEHEZKIEL 18:4

Nyawa in batúan intau in Akuoibí in kitogi, pinomayá nyawa in guyanga andeka nyawa i adínea. Intau inta baradosa siabí in matoi.

YEHEZKIEL 22:31

Tuamai in tanaa pinobayá-Kudon in torú-Ku kon i monia, bo naonda bo tuḷú Akuoi in moyompat kon i monia popisí in aid monia. Akuoi ki Tuhan Inta Totok in moḷantud ain nosingog.”

AMOS 3:2

“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

OUMAN IN RASUL MITA 11:18

Naonda in dinongog monia intua, nopiadon in gina monia komintan poḷat nodayow kon i Allah. Kai monia, “Aka natua, dá intau mita inta deeman Yahudi inogoianbí doman i Allah in kasampatan mogogai in mogaid kon dosa mita bo mokouḻí kon kobiagan mononoi!”

OUMAN IN RASUL MITA 13:26

Utatku mita inta buí i Abraham bo utat mita ibanea inta motoguondok kon i Allah! Habar inta mokosaḷamat aindon pinoyaput kon inaton;

OUMAN IN RASUL MITA 20:21

Akuoi in umuran doman noponorop kon intau mita in Yahudi bo bangusa ibanea sinbá mosia in mogogaidon in mogaid kon dosa mita monia bo mamangoi kon i Allah poḷat mopirisayadon kon i Yesus Kristus ki Tuhan naton.

OUMAN IN RASUL MITA 26:20

Taran-tarangan in akuoi in mopotaau kon bayongan intau kon musti mogogai in mogaid kon dosa mita in mosia bo moposarakandon in kobiagan monia kon i Allah. Tua komintan in musti poniata kon oaid monia pomuḷoi in singgai. Muna in kon Damsyik in pinopotaauanku kon onu inta nobaḻí tanaa, onda in tua kon Yerusalem bo kon bayongandon in Yudea bo kon sigad doman in intau mita inta deeman Yahudi.

OUMAN IN RASUL MITA 28:17

Naonda in toḷudon nosinggai kon tua, ki Paulus in nogoiní kon itoi mita intau in Yahudi bo naonda in mosia noyosipun, sia in noguman kon i monia nanaa, “Utat mita! Umpakabí in akuoi diá nogaid kon inta noitaḷá kon bayongan intau naton andeka nomaḷawang kon adat in mogoguyang naton, táe akuoi in dinomokbí monia bo pinosarakan kon intau in Rum.

OUMAN IN RASUL MITA 28:28

Pangabisannea ki Paulus in nosingog, “Tuamai in musti kotaauan monimu, kon habar kasaḷamatan inta nongkon i Allah tanaa aindon pinoyaput kon intau mita inta deeman Yahudi, bo mosia in noibogbí nokidongog kon tua!” [

OUMAN IN RASUL MITA 3:26

Tuamai in ki Allah nomiḻí kon simpaḷ-Nea, bo nopotabá kon i-Nia namangoi muna kon i monimu, sinbá Sia in momarakat kon i monimu. Nanaa in pomomarakat-Nea kon i monimu, pogogai-Neadon in moiko komintan in mogaid kon moraat ná inta biasamai aidan monimu.”

SURAT I PAULUS KON JAMAAT RUM 1:16

Mopirisayabí totok in akuoi kon Habar Mopia tatua, sin Habar Mopia tatua in ropotbí i Allah moposaḷamat kon bayongan in intau inta mopirisaya; muna-munamai intau in Yahudi, bo bangusa doman ibanea.

SURAT I PAULUS KON JAMAAT RUM 10:12

Tua in pakéonbí kon bayongan intau, sin diábí in yoposinea kon intau in Yahudi bo bangusa mita ibanea. Sin ki Allah inta tobatú tua in Tuhanbí in bayongan in intau. Sia in mobogoibí in barakat mobayong kon bayongan in intau inta mokituḷung kon i-Nia.

SURAT I PAULUS KON JAMAAT RUM 2:10

Tongá bayongan intau inta moibog mogaid kon inta mopia, ogoianbí i Allah in kamuliaan bo kahoromatan takin kobiagan motompia, muna-munamai intau in Yahudi, moiduduimai kon tua bangusa doman ibanea.

SURAT I PAULUS KON JAMAAT RUM 8:35

Oyúon degá in mokomampu moḷamboi kon i Kristus aka Sia in motabi kon i naton? Kasusahan, roriga, pomogutúan, malarat, kobiagan mobogá, anib ande popatoi, tua mita degá in mokoḷamboi kon tua?

SURAT I PAULUS KON JAMAAT RUM 9:24

Kitabí naa inta ain inoiní-Nea. Deemanbí tongá intau in Yahudi, táe bangusabí doman mita ibanea.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

TESALONIKA 2 1:6

Onu inta irai i Allah moadil dá tua in aidan-Nea, bo tuḻían-Nea in intau inta mopoyoyigamai kon i monimu.

PETRUS 1 4:17

Sin naa bidon wakutu i Allah momangkoi mohakim kon dunia naa. Bo umatbí i Allah inta muna-munamai hakimon. Dá aka kita inta mopirisaya bo hakimon doman, yo onu in mobaḻí kon i monia inta diá mopirisaya kon Habar Mopia nongkon i Allah tua?