SURAT I PAULUS KON JAMAAT RUM 2:28 - Alkitab Singog In Mongondow Masa In Tanaa

²⁸ Sin aka totu-totuu intau in Yahudi; yo deemanbí tongá tangoinea intau in Yahudi, ná doman tua intau inta ain totu-totuu sinunat deemanbí tongá kai intau sinunatdon in sia.

SURAT I PAULUS KON JAMAAT RUM 2:28 ပူးပေါင်းရင်းမြစ်များ

MAZMUR 73:1

Mazmur i Asap. Totuubí mopia in ki Allah kon umat-Nea, kon intau inta motuḻid in ginanea.

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

YEREMIA 9:25

Ki Tuhan in noguman, “Moiangoibí in wakutunea Akuoi mohukum kon intau in Mesir, Yohuda, Edom, Amon, Moab, bo intau inta nogutun kon padang gurun inta nonggonsing in buoknea kinopoḷok. Mosia komintan in sinoit ná intau in Israel, táe pinomayá mosia andeka bangusa in Israel in nomia naonda bo intau mita inta diá sinoit, popisí in mosia diá motoindudui kon dodandian inta sinomponuotan in toit tua.”

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

SURAT I PAULUS KON JAMAAT RUM 2:17

Táe tanaa naonda in moiko uḻe utat? Moiko in mongaku intau Yahudi. Moiko in kinumadai kon hukum agama Yahudi bo mopia totok in gina monimu kon hubungan monimu takin i Allah.

GALATIA 6:15

Sinunat ande diá sinunat, tua in diábí moponting, sin mobaḻíbí intau inta mobiag mobagu takin i Allah in moponti-ponting.

EPESUS 2:11

Utatku mita inta deeman intau in Yahudi! Toropka in kaadaan monimu koḻipod: Moiko in sinangoi “intau diá sinunat”. Tua in pinonangoi intau in Yahudi inta sinumangoi sinunat (makusudnea, ain nokouḻí kon tanda inta inaidan intau kon awak monia).

PETRUS 1 3:21

Dá bá kotaauandon monimu kon onu inta nobaḻídon tatua nobaḻí oḻinow in baptisan inta nokosaḷamat kon i monimu tanaa. Baptisan tatua in deeman tobatú upacara pondaritan kon bayongan inta nokotor kon awak, táe tua in dodandianbí kon i Allah inta nongkon bonu in ginamu inta mopia. Baptisan tatua in mokosaḷamat kon i monimu sin ki Yesus Kristus ain nobiag bui nongkon kinopatoian,

WAHYU 2:9

Kinotaauan-Kubí in yoyiga mita monimu; Kinotaauan-Kubí kon moiko in nomasiking – táe sabanarnea moiko nion in nooyúonbí! Kinotaauan-Kubí doman in bayongan inta pinonapud kon i monimu i intau mita inta dumuí intau in Yahudi, bokaka deemanbí; mosia tua in dumoduduibí in Ibilis!