SURAT I PAULUS KON JAMAAT RUM 2:26 - Alkitab Singog In Mongondow Masa In Tanaa

²⁶ Aka intau deeman Yahudi inta diá sinunat dinumudui kon hukum agama in Yahudi, yo sia in inanggap bidon i Allah naonda bo intau inta ain sinunat?

SURAT I PAULUS KON JAMAAT RUM 2:26 ပူးပေါင်းရင်းမြစ်များ

MATIUS 15:28

Bo ki Yesus in notubag takin noguman kon i-Nia, “Uḻe iná, moḷoben totok in pirisayamu! Manangka intua yo mobaḻídon kon inimu ná inta kinoibogmu!” Bo dodaipa doman in tuata nopia in ki adínea.

SURAT I PAULUS KON JAMAAT RUM 2:25

Aka iko bo motoindudui kon hukum in agama Yahudi, dá oyúonbí in mangaḻe in sunat tatua kon i monimu. Táe aka iko bo doí dumudui kon soaḷ mita inta pinarenta kon bonu in hukum tatua, yo totokbí in diá in mangaḻe in sunat tatua kon inimu.

SURAT I PAULUS KON JAMAAT RUM 2:27

Bo intau inta diá sinunat tua in mopotaḷá kon i monimu intau in Yahudi, sin oyúondon in hukum agama monimu bo sinunat domandon in moiko, táe moiko tontaní in doíbí dumudui kon hukum tatua. Mosia tua in diábí sinunat táe totu-totuubí dinumudui kon hukum in agama Yahudi.

SURAT I PAULUS KON JAMAAT RUM 3:30

Sin ki Allah tua in tongábí tobatú. Siabí tua inta nobogoi in kasampatan kon intau mita in Yahudi noyopia bui takin i Allah sin pinodoyon doman kon pirisaya monia. Bo Siabí doman tua inta nobogoi in kasampatan kon intau ibanea mobiag moyopia takin i Allah, bo tua in nobaḻí doman popisí in mosia mopirisaya.

SURAT I PAULUS KON JAMAAT RUM 8:4

Pinomia i Allah intua sinbá onu inta sinuntut kon hukum in agama Yahudi mobaḻídon kon i naton inta diá nobiag podudui kon ibog in awak, táe pinoduduibí kon ibog in Roho i Allah.

GALATIA 6:15

Sinunat ande diá sinunat, tua in diábí moponting, sin mobaḻíbí intau inta mobiag mobagu takin i Allah in moponti-ponting.

EPESUS 2:11

Utatku mita inta deeman intau in Yahudi! Toropka in kaadaan monimu koḻipod: Moiko in sinangoi “intau diá sinunat”. Tua in pinonangoi intau in Yahudi inta sinumangoi sinunat (makusudnea, ain nokouḻí kon tanda inta inaidan intau kon awak monia).

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

KOLOSE 2:11

Lantaran notobatú takin i Kristus, dá moiko ain sinunat, táe deemanbí sunat inta inaidan in intau, táe sunatbí inta inaidan i Kristus, inta nopobebas kon i monimu nongkon kawasa in tabiat inta binaradosa.