SURAT I PAULUS KON JAMAAT RUM 2:24 - Alkitab Singog In Mongondow Masa In Tanaa

²⁴ Kon bonu in Buk Motusi pinais nanaa: “Popisí moiko intau mita in Yahudi, dá tangoi i Allah iromu-romúmaidon kon sigad in intau ibanea.”

SURAT I PAULUS KON JAMAAT RUM 2:24 ပူးပေါင်းရင်းမြစ်များ

SAMUEL 2 12:14

Tongá popisí in ki Tuang ain nopoompámai kon i Tuhan pinongin oaid tatua, dá ki adí ḷoḷaki i Tuang inta bagupa pinononggadí tatua in matoibí.”

YESAYA 52:5

Tanaa onu in urusan-Ku kon naa? Intau in Babel nodakop kon i monimu natua mako. Mosia inta nondorot kon i monimu dinumodia bo tantú mopoompámai kon i-Nakó.

YEHEZKIEL 20:27

Yo, intau ilo-ilow, potaaudon kon intau in Israel, onu inta poguman-Ku, ki Tuhan Inta Totok in moḷantud kon i monia: naa in sonto ibanea inta mopoontong kon naonda in mogoguyangmu noningkuḻe kon i-Nakó bo diá motoindudui kon i-Nakó.

MATIUS 18:7

Totuu kon mobodito in dunia naa popisí in totundú inta mokopopisí kon intau mita baradosaan. Memang oyúonbí in wakutu pogaidan kon mokobaradosa kon intau, táe moboditodon in intau inta mogaid kon tua!

TIMOTIUS 1 5:14

Tuamai ibogonku, intau boba-bobay inta nomudapa buidon mokipobuḷoi, sinbá buidon mokouḻí kon adí kon tonibuḷoinea, bo tongádon in sia monompia kon i adínea inta kon bonu in tonibuḷoinea tatua, sinbá intau mita inta mosaturu kon inaton in diádon moporomu-romúmai kon tangoi naton.

TIMOTIUS 1 6:1

Intau mita in Keresten inta nobaḻídon ata in mustibí tantú mohoromat kon i tuangnea, sinbá tangoi i Allah bo inta sinundú i Allah kon i naton in diá singkuḻeon intau.

TITUS 2:5

musti mobiag mobijaksana, motuḻid in raian bo mobaḻí buḷoi inta motaau moḷukad kon tonibuḷoi monia ( motaau monompia kon tombonu in baḷoinea). Mopia in gina bo motabi kon i buḷoinea. Aka natua in oaid monia, yo diábí in moningkuḻe kon Habar Mopia inta nongkon i Allah.

TITUS 2:8

Kopiaan in mosingog, dika mongonguman kon uboḷ, sinbá saturumu mita in mooyá sin diá in soaḷ mita inta diá mopia in motaau monia posingog kon i naton.

PETRUS 2 2:2

Táe umpaka natua, yo mobayongpa doman in intau dinumudui kon kobobiag in intau mita inta deeman totuu guru inta kinawasaandon ibog in awak monia. Aid monia tatua totok in mokopopisí kon mobayong in intau moningkuḻe kon Daḷan Mobanar inta mopobayá kon i Allah.