SURAT I PAULUS KON JAMAAT RUM 16:21 - Alkitab Singog In Mongondow Masa In Tanaa

²¹ Yobayat topogaidanku ki Timotius, nopoyaput doman in salamnea kon i monimu. Ná doman tua in ki Lukius, ki Yason bo ki Sosipater, inta tosukuku.

SURAT I PAULUS KON JAMAAT RUM 16:21 ပူးပေါင်းရင်းမြစ်များ

OUMAN IN RASUL MITA 13:1

Wakutu intua kon jamaat in Antiokhia oyúon in tongonumai in nabi bo guru, naa in tangoi monia tua: Ki Barnabas, ki Simeon inta dinonoi ki Niger, ki Lukius intau in Kirene, ki Menahem inta noyobiag i Datu Herodes, bo ki Saulus.

OUMAN IN RASUL MITA 17:14

Dá ḷagidon in utat mita kon Berea tua inatod in ki Paulus kon pintad, táe ki Silas bo ki Timotius in tantúpabí nogutun kon kotá tatua.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

OUMAN IN RASUL MITA 18:5

Naonda in noiangoidon nongkon Makedonia in ki Silas bo ki Timotius, diádon mogoga-gogai in ki Paulus in mopoyaput in Habar Mopia inta nongkon i Allah kon bayongan intau in Yahudi. Sia nopoyaput in habar kon ki Yesusbí tuata in Datu Mopoposaḷamat inta pinodandi i Allah.

OUMAN IN RASUL MITA 19:22

Dá muna in sia nopotabá kon simpaḷnea doyowa, ki Timotius bo ki Erastus umuna kon inia mayá in Makedonia, sin sia in mogutunpa tongonumai nosinggai kon Asia.

OUMAN IN RASUL MITA 20:4

Sia in sinakinan i Sopater, ki adí i Pirus intau in Berea, bo i Aristarkhus, bo i Sekundus intau in Tesalonika, bo i Gayus intau in Derbe. Ki Timotius, ki Tikhikus bo ki Tropimus doman takin intau mita inta nongkon Asia.

SURAT I PAULUS KON JAMAAT RUM 16:11

bo kon i Herodion. Sia tua in tosukuku. Salam doman kon i utat naton inta mopirisaya kon i Kristus inta tombonu in baḷoi i Narkisus.

SURAT I PAULUS KON JAMAAT RUM 16:7

Poyaputpa doman in salamku kon i Andronikus bo kon i Yunias. Mosia tua in toḻipúanku bo nokoimontandon in sinumuot kon ponjara takinku. Wakutu in akuoi diápa nopirisaya kon i Kristus mosia in munadon nopirisaya. Tangoi monia tua in kinotaauan bidon totok in rasul mita.

SURAT I PAULUS KON JAMAAT RUM 9:3

sin moiko in intau mita tobangusaku. Bo popisí in moiko dá morelabí in akuoi in kutukon i Allah bo poyoguaton nongkon i Kristus.

KORINTUS 2 1:1

Utatku mita jamaat i Allah inta kon Korintus bo bayongan intau inta ain piniḻí i Allah kon Akhaya. Akuoi, ki Paulus, rasul i Kristus Yesus, inta ain binaḻí i Allah rasul-Nea takin ki utat naton ki Timotius,

KORINTUS 2 1:19

Sin ki Yesus Kristus, ki Adí i Allah inta ain pinohabarku bo pinohabar i Silas, bo i Timotius, kon i monimu, deemanbí intau inta topí-topí moguman “Oo” bo topí-topí doman moguman “Diá”. Sia tua in aka modandi yo totu-totuubí mobaḻí.

PILIPI 1:1

Utatku mita umat i Allah inta nogutun kon Pilipi, inta notobatúdon i Kristus Yesus bo inta ain nobaḻí itoi bo diaken kon jamaat! Akuoi, ki Paulus bo ki Timotius inta mogogaid kon oaidan i Kristus Yesus,

KOLOSE 1:1

Utatku mita umat i Allah kon Kolose inta umuran mosatia in motobatú i Kristus! Saḷaku rasul i Yesus Kristus, – inta inoiní i Allah tontaní – akuoi, ki Paulus bo ki Timotius inta ki utat naton, mopoigum mako doa sinbá ki Allah, ki Amá naton in tantú mobogoi in barakat bo kobiagan motompia kon i monimu.

TESALONIKA 1 1:1

Utatku mita jamaat kon Tesalonika, inta ain nobaḻí umat i Allah ki Amá naton bo i Tuhan Yesus Kristus: Akuoi ki Paulus, ki Silwanus bo ki Timotius in umuran mopoigum kon i Allah sinbá tantú-Nea ogoian in barakat bo kobiagan motompia in moiko.

TESALONIKA 1 3:2

pogoḷa-goḷatan in potabákupa mangoi kon i monimu in ki utat naton ki Timotius. Sia naa in mogogaid kon oaidan i Allah inta topogaidan nami nopoyaput in Habar Mopia soaḷ ki Kristus. Pinotabá nami in sia mamangoi kon i monimu sinbá motuḷung moginrigon kon gina monimu bo poḷat mononggina bá umuran in moiko mopirisaya kon i Kristus.

TESALONIKA 1 3:6

Táe tanaa, naonda in ki Timotius namangoi nodia in sia kon habar inta mokosanang totok kon gina. Inoumannea kon moiko in totu-totuudon mopirisaya kon i Kristus bo umuran doman mositabian. Inoumannea doman kon umuran kotoropan monimu kon kami naa in intaubí mopia bo moibog doman totok in moiko moyodungkuḷ nami, ná bí doman tua in gina nami kon i monimu.

TESALONIKA 2 1:1

Utatku mita jamaat inta kon Tesalonika, inta ain nobaḻí umat i Allah ki Amá naton bo umat i Tuhan Yesus Kristus! Kami toḷu, ki Paulus, ki Silas bo ki Timotius

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

TIMOTIUS 1 6:20

Uḻe Timotius, adíku, onu inta pinoki aidku bo inta pinogumanku kon inimu, yo ḷukadai totok intua kopira! Donaai tongá mongonguman kon soaḷ inta diá in mangaḻenea bo inta moraat, dika tongá mobobayowan kon soaḷ mita inta sinangoian “Pongotahuan”.

IBRANI 13:23

Musti kotaauanmu, kon ki Timotius ki utat naton in pinobebasdon nongkon ponjara. Aka moiangoidon in sia kon inakó, dá diaankubí in sia aka mamangoidon in akuoi mokipodungkuḷ kon i monimu.