SURAT I PAULUS KON JAMAAT RUM 15:26 - Alkitab Singog In Mongondow Masa In Tanaa

²⁶ Sin jamaat mita kon Makedonia bo kon Akhaya ain notobatú kon gina bo nobogoi in totuḷung kon utat mita inta nobiag nobogá kon sigad in umat i Allah kon Yerusalem.

SURAT I PAULUS KON JAMAAT RUM 15:26 ပူးပေါင်းရင်းမြစ်များ

AMSAL 14:21

Ki ine in mopoompámai kon intau ibanea, mogaid kon dosa; ki ine in mopia in gina kon intau bogá yo mosanang in ginanea.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 17:5

Ki ine in moningkuḻe kon intau bogá yo mopoompábímai kon i Allah inta nomaḻí kon inia. Ki ine in mosanang in gina kon koboditoan in intau, yo notantúbí kon mokouḻí kon hukuman.

ZAKHARIA 11:11

Kon singgai doman tatua dodandian tatua irabutdon. Mopopotaḷui mita in domba tatua monaridimai kon inakó, bo mosia in nonotaaudon kon ki Tuhan in koyogotdon in mosingog pinongin bayongan in aidku.

ZAKHARIA 11:7

Akuoi, ki Zakharia, inuboḻian in mopopotaḷui mita kon domba sin moḷukad kon domba mita inta ratáan. Oyúon in tungkudku; tobatú in sinangoianku “Totabi” bo tobatú in “Bogotan”. Onda intua akuoi in nomangkoidon noḷukad bo nonompia kon domba mita tatua.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 26:11

Intau nongobogá mita in umuran moyotakin monimu, táe Akuoi naa in diábí tantú moyotaki-takin mako monimu.

LUKAS 14:13

Manangka intua aka iko bo mogaid kon bobutungan, yo oinídon in intau mita bogá, intau nongobogit, intau mita inta ḻempeng, bo intau mita bilog.

LUKAS 6:20

Ki Yesus inimindoi kon dumodudui-Nea mita bo nosingog nanaa, “Pia in kamang in moiko, intau mita inta nobogá, sin moiko nion in umat i Allah!

OUMAN IN RASUL MITA 16:12

Nongkon tua kami minayá in Pilipi, tobatú kotá kon distrik inta dungkuḷ kon Makedonia. Pilipi naa in jajahan pomarenta in Rum. Kon tua kami in nogutun tongonumai nosinggai.

OUMAN IN RASUL MITA 16:9

Nodoḷom monag, kon Troas, ki Paulus in nokoontong kon tobatú oontongon. Kon bonu in oontongon tatua sia in nokoontong kon intau in Makedonia tobatú sinimindog kon tayowonneamai bo totok in nopoigum sinbá mosia in mayápa in Makedonia motuḷung kon i monia.

OUMAN IN RASUL MITA 18:12

Naonda in ki Galio nobaḻí gubernur kon Akhaya, intau mita in Yahudi, notobatú kon gina bo nomayow kon i Paulus poḷat dinia monia pinobayá in pongadilan.

OUMAN IN RASUL MITA 19:21

Naonda in nopaḷut in bayongan inta nobaḻí tatua, ki Paulus in nogamádon kon kaputusan mayá in Makedonia bo Akhaya bo yumaput kon Yerusalem. Sia in noguman, “Mopaḷut kon tua, akuoi in musti mayá doman in Rum.”

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

KORINTUS 1 16:15

Tantú kinotaauan bidon monimu in ki Stepanus bo motoḷuadínea; mosia tua inta muna-munamai nobaḻí Keresten kon Akhaya. Mosia tua in totu-totuudon nogaid nobantung kon umat i Allah.

KORINTUS 1 16:5

Akuoi in mamangoibí mokipodungkuḷ kon i monimu naonda in moitaḻib kon Makedonia, sin tomayáku in mongintuapa.

KORINTUS 2 1:16

Tomayáku tua in kon dodai akuoi mayá in Makedonia yo mongandupa muna in akuoi kon i monimu, ná doman tua in aka mobuidon. Sinbá motaaupa in akuoi mokituḷung kon i monimu, aka akuoi mayá in Yudea.

KORINTUS 2 11:9

Bo aka kodaitan in akuoi, yo diábí mokoposusamai kon intau tobatúmai kon sigad monimu. Sin onu in mogaat kon inakó komintanbí ki utat mita inta namangoi nongkon Makedonia in mobogoi.

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

KORINTUS 2 7:5

Wakutu in kami in noidapotdon kon Makedonia, diádon in kami nokopogogai. Kami in tantú nokouḻí kon kasulitan: sin tantú oyúon in ropatoi, sahingga in gina nami tantú moondok.

KORINTUS 2 9:12

Sin oaid mopia inta inaidan monimu naa in deemanbí tongá modugang kon onda inta nogaatpa kon umat mita i Allah, táe nobaḻíbí doman dodoyonan nodapot in nobayong intau mopoyaput in sukur kon i Allah.

KORINTUS 2 9:2

Sin kotaauanku bidon kon moiko in moibogbí motuḷung, bo moiko in umurankubí dinui-duí kon yua-yuak in intau in Makedonia. Pinogumankudon kon i monia kon nongkon taongpabí inta nopaḷut naa in tai utat mita kon Akhaya ain nobasadia mobogoi in sumbangan. Bo lantaran totok domandon in gina monimu, dá intau ibanea in totok domandon noibog.

KORINTUS 2 9:4

Sin moḻia-ḻiaw in ginaku, dikabo oyúon in intau mita in Makedonia mamangoi moyotakinku kon wakutu in mopoangoi kon i monimu. Bo aka mouḻí magí monia in moiko bo diápa nobasadia, yo mooyá totok in kami kon i monimu! Ná doman tua, moiko doman in mooyá.

PILIPI 4:15

Utat mita intau in Pilipi! Kinotaauan bidon monimu totok kon wakutu in akuoi nonaḷámai kon Makedonia koḻipod, wakutu in akuoi bagu momangkoi nopoyaput in Habar Mopia, yo tongábí moiko in jamaat inta notuḷung kon inakó; moikodon nion inta nokorasa domandon kon inta mopia bo inta diá mopia wakutu in noyotakinku.

TESALONIKA 1 1:7

Tuamai moiko in nobaḻí duduianmai in bayongan intau inta mopirisaya kon Makedonia bo kon Akhaya.

TESALONIKA 1 1:8

Sin nongkon imonimu, habar soaḷ ki Tuhan noisiardon dapot in Makedonia bo Akhaya. Deeman doman tongá kon tua; sin nodapotbí doman in habar kon naonda in kopopirisaya monimu kon i Allah noisiar domandon magí mako kon ḻipu-ḻipúannea, sahingga diá bidon in musti pogumanku kon i monimu.

TESALONIKA 1 4:10

Bo tua komintan aindon pinoontong monimu kon bayongan utat inta kon Makedonia. Táe, tantúbí tongginaan nami in moiko sinbá modugang motompia in kobobiag monimu.

TIMOTIUS 1 1:3

Wakutu in akúon mayádon in Makedonia, pinakisakudon in iko sinbá umuranpa mogutun kon Epesus. Kon tua iko in mayá mononggina kon intau mita inta motundúmai kon soaḷ mita inta nongoitaḷá, sinbá gogaiandon monia in aid mita ná tatua.

PILEMON 1:5

Sin dinongogkudon kon iko in intaubí inta totu-totuu mopirisaya kon i Tuhan Yesus bo motabi doman kon umat i Allah.