SURAT I PAULUS KON JAMAAT RUM 15:25 - Alkitab Singog In Mongondow Masa In Tanaa

²⁵ Táe tanaa mako, akuoi in mayápa in Yerusalem sin mogatod kon totuḷung kon umat i Allah kon tua.

SURAT I PAULUS KON JAMAAT RUM 15:25 ပူးပေါင်းရင်းမြစ်များ

OUMAN IN RASUL MITA 18:21

Táe umpaka natua, wakutu in mobuatdon, sia in noguman kon i monia, “Aka umuranpa totabion i Allah dá moiangoibí bui kon naa in akuoi.” Naonda in noguman mako kon natua, minayádon in sia nongkon Epesus.

OUMAN IN RASUL MITA 19:21

Naonda in nopaḷut in bayongan inta nobaḻí tatua, ki Paulus in nogamádon kon kaputusan mayá in Makedonia bo Akhaya bo yumaput kon Yerusalem. Sia in noguman, “Mopaḷut kon tua, akuoi in musti mayá doman in Rum.”

OUMAN IN RASUL MITA 20:16

Ki Paulus nogamádon kon kaputusan kon diádon mongandup kon Epesus, sinbá diá tongá moḷumbú kon wakutu. Sin sia in ḻimikat sinbá ḷagidon modapot in Yerusalem kon singgai moḷoben porayaan kon singgai Pentakosta.

OUMAN IN RASUL MITA 20:22

Bo tanaa mako akuoi in mustibí dumudui kon ibog in Roho i Allah inta nodia mayá in Yerusalem. Bo kon tua diápabí kotaauanku mongo onu in mobaḻí kon inakó.

OUMAN IN RASUL MITA 24:17

Bo naonda in tongonumaidon notaong in nonaḷámai kon Yerusalem, akuoi in nobui mangoi kon tua sin modia kon doit inta pinotuḷung kon bangusaku bo mayá doman mobogoi in sosumba kon i Allah.

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

KORINTUS 1 16:4

Bo aka paraḷuon monimu kon bá takinankupa in mosia, dá takinankubí doman.

KORINTUS 2 8:4

mosiabí tontaní in nopoigum totok kon inami sinbá ogoian doman in kasampatan in mosia motuḷung kon umat mita i Allah kon Yudea.

KORINTUS 2 8:6

Tuamai kami in umuran moguman kon i Titus – inta ain nomangkoi kon oaidan tanaa – sinbá ingguputannea in oaidan mopia tanaa kon sigad monimu doman.

GALATIA 2:10

Tongá topasaḷ in pinoigum monia kon i nami, musti tarukiraan in intau mita bogá. Bo memang tuabí doman inta kinoibo-ibogku aidan.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.